($$$$$$) أقـبـل الـعـيـد ($$$$$$)

أقبل العيد يخفي فرحتي في خبــــــاه= فـرحـةٍ تخـتـلف عن فـرحة العالمـين
مـا عـرفـهـا يكون الّلي ملكني هــواه = يوم أشوفه أحس ان فرحتي فرحـتـين
عـارفٍ مـقـصدي من قبل لفظ الشفاه = وأنـا فاهم بـقصده قـبـل ما هو يـبـين
إن تـكـلـم بـكـلـمـه طـيّـرتـني بســماه = وإن تبسم يذكرني بماضي الســـنـــين
يوم كنا صغار السـن نمشـي حـفــــاه= والنوايا سليمه ما حصل يوم شـــــين
ذاك والله حُبه خاطري ما نـســــــــاه = كم تمنيت أشوفه مبتســم كل حــــــين
وأتـمـنـى وجــوده وأتـحــرى نـبــــاه = و أن تـأخر أعـّد الثانيه ســـــاعــتــين
وان تعذر وصوله قلت يسعد مـســـاه = والله يجعل حياته في ســعاده آمـــــين

غرمان بن عزيــــز
الله يعطيك الف عافيــــــــــه
إبــــــــــــداع Xإبــــــــــــداع
صح الله لساانك مليووون
وكل عام وانت طيب
تقبل أطيب التحايــــــــــــا

يوم كنا صغار السن نمشـي حفـاه ...... والنوايا سليمه ما حصل يوم شيـن =
ذاك والله حُبه خاطري مـا نسـاه ...... كم تمنيت أشوفه مبتسم كـل حيـن =

الاخ بن عزيز صح لسانك من جد روعه بروعة غرمان بن عزيز

الله يعطيك العافيه


ومبدع كعادتك بن عزيز

تقبل وافر الاحترام

الأخ العزيز والغالي / سيف العرب . كل عام وأنت بخير ومن العايدين ومن الفايزين وشكراً لك على المرور الطيب 0

الأخ العزيز والغالي / ولد صالح . شكراً لك أبا صالح وكل عام وأنت بخير ومن العايدين ومن الفايزين . تقبل مني أجمل التحايا 0

الأخ العزيز والغالي / العقد . أشكرك على هذا المرور الكريم وكل عام وأنت بخير ومن العايدين ومن الفايزين 0