مواقف صارت للعرسان أول ليلة لااااا تفوتكم !!!

مواقف لعرسان تموت من الضحك..ادخلوا بس لا تتشمتون..بيجينا يوم ونكون مكانهم انشاء الله

حركه حلوه

عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , ما تحمل الرجال فيه عرق التفحيط شغال !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ................................
ولا صحت إلا بالمستشفى , وقضوا أجمل شهر عسل على الاسره البيضاء

احححححححححححححلى شهر عسل


وش تبين ؟

أيضا عريس اخذ عروسته من القاعة , جو أهلها بيسوون لها موكب والعريس
رأسه وألف سيف محد يلحقهم , يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه , والله لو منها استغل الموقف وما أوقفه إلا عند أغلى
مطعم حتى لو أكله شين)

المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!

طبعا السيارة وأكيد البنت انسرقو
( فيه مجرم يتهيأ له سياره فخمه وبداخلها عروس كاشخه ويقول لا !!!!)


مو من هنا

دخل العريس وحط يده على جبهة زوجته ودعاء بالدعاء المعروف والمأثور
عن الرسول , وبعدين صلى ركعتين والعروس تطالعه وهي ---- >
مستغربه وش يسوي هذا!!
لكن استحت تتكلم , ولما جت صلاة الفجر توضأ وصلى , يوم تكلمت
( راح الحياء وبدت الميانه) قالت له : ترى القبله مو من هنا !!!!
( المسكين من العجلة نسى وين القبله !! )



أحفظ زين

عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!

(معذوره وش ذااااااا الأخ بيسافر!!! )


جدول الضرب

عرسان يسولفون لليلة العرس (داقين حنك ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته ( قولي آمين الله يفشلك)
قال : ولا يهمك وجاب ورقه وقلم وجلس يعلمها ( أنواع الروااااقه )
3 في5 = 15 قولي وراي .......................... هاهاهاهاها هاهاها



فريقي

عرسان يسولفون , سألها : وش هو الفريق اللي تشجعينه ؟؟ قالت : (.....)
قال لها : وع ع ع ع ع ع من زينهم هم ولعبهم أساسا فريقي (.... )
هزئهم في الدوري 3/0 , وفريقي اخذ الكأس 10 مرات وفريقك ما أخذوه
إلا مرتين , واساسا مدربهم ما عنده سالفة , واللاعب اللي جايبينه من برا
ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................

( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا
شيء غريب أن البنت ساكتة انه فريقها يتهزأ )
وبعد ماخلص المحاضرة الطويلة , قالت له : تعال أبيك برا شوي !!
يوم طلعو دخلت وصكت الباب بوجهه ونام المسكين على الكنبه








........ تحياتي للجميع ..........

هههههههههههههههههههههههههه
الله يهديك ياخوي دحوووووووووووم والله خوفتنا الله يستر بس




تحياتي وتقديري لك




أخوك العااااااااااقل

مشكور على مرورك الكريم بس ياليت يصير عليك موقف مثل المواقف اللي فوق عشان أضيفه للمواقف اللي فوق

هههههههههه

........ تحياتي لك ........

اخوي ABDULRAHMAN



موضوووعك رااايق بس الله لا يعطيني 1 يحب الكورة لاني 100% راح اسفرة ديرته مو انومه على الكنبه بس



<<<<<انا احبها بس مو لدرجه اني اول ليله اتهاوش مع زوجي علشانها<<<<<صدقت الوضع




عموما ثانكس على الموضوع الحلو









منوووووووووووووووووووووووله

مشكورة أختي الكريمة منولة على مرورك


تحياتي لك

ههههههههههههههههههههههههههههههههه

حلوووووووووووه و الله يستر علينا و كلكم معزومين على عرسي السنه الجايه او الي بعدها و يمكن الي بعدها و الله اعلم ....





و لكن ما تلاحظون ان المشاكل كلها من ذا السحاااااااااااااااااالي ؟؟؟؟

اخوي ABDULRAHMAN


مشكور ويعطيك العافية
فيه عندي موقف ممكن اضيفه للمواقف اللي ذكرتها

فيه عروس في يوم زواجها بعد مادخلوا الصالة جلست عند التلفزيون وحلفت ماتقوم الابعد ماتشوف حلقة مسلسل الحريم ..وبعدين جلس زوجها يفك في تسريحتها طول الليل الين الفجر

عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!

(معذوره وش ذااااااا الأخ بيسافر!!! )

ههههههههههههههههههههههههههه

اما ذا بصراحه تحفه .........وموقف لايحسد عليه ....الله يستر علينا اذا انحطينا في مواقفهم....

فيه واحده دايم يقولوا لها ان دمها ثقيل ولازم تمزح وتسولف اكثر مع زوجها خاصة الايام الاولى............
قامت المسكينه تبغى تبغى تصير خفيفة دم ولما كانوا يتعشوا ثاني يوم زواج قام يشرب مويه ولما رجع يجلس سحبت الكرسي من تحته وطاح وانكسرت ايده وعاد اتخيلوا ايش اللي صار.....

موضوع رائع ...........واختيار للقصص اروع.... يعطيك العافيه اخوي.......

اما دعاء السفر روعة صراحة افكر اسوية في ما بعد


تحياتي

ويعطيك العافية

هذا واحد تزوج وكان لطيف مرة ..... حط في الغرفة كاميرا فيديو وسلطها على الطاولة
ويوم دخل هو وعروسته الغرفة وتعرفون الأخلاق لازم تكون برستيج .... المهم طلب عشا فاخر وطلب من عروسته تنقنش معه !! قالت الحمد لله تعشيت في القصر ولزم عليها لكنها أصرت على أنها شبعانه ..... أكيد أخونا بدا يسوي حفريات في الأكل وقعد يستمتع بالأكل .... ثم يوم شبع وكان الأكل كثير استأذن من عروسته وقال بروح دورة المياه عنده فاصل إعلاني !!؟ العروس ما حسبت على الله شافته دخل الدورة إلا واستلمت الأكل روحه وجيه ....... والكاميرا تصور .......... ومر الموقف بسرعة ...
وبعد عدة أشهر قال لزوجته عندي مفاجأة بوريك اياها شو بتئبريني ما أجملها ... شغل الرجال الفديو وشافت موقفها على الطاولة وهي تاكل وقامت تبكي وتصيح وتولول من هذا الموقف المحرج .........


وسلامتكم

يوم تقول العريس اللي لخبط فس الحديث فقلب الدعاء
هذا ما يعرف في علم النفس الاستغراق في اللحظة الحاظرة ونسيان ما عداه وهناك موقف مشابه وظريف

رأيت بعيني في أحد أشرطة الفديو حفلة
وكان الوفود يأتون بين الفينة والأخرى لاستلام المكرفون وتقديم التهنئة والنفعة للعريس
أحد الوفود تقدمهم شايب
استلم المكرفون وهنأ العريس
ولست أدرى هل موقفه بين الجماهير أدى إلى لخبطة في أفكاره أم أن الشايب قالها عن خطأ
( وحنا جينا للعريس بنفعة - وذكر فيما معناه ان الله يبارك له - ثم قال _ وكما قال النبي صلى الله عليه وسلم أعينوا المتزوج ولو بشق تمرة )
الحديث في الأصل اتقوا النار ولو بشق تمرة
الله يغفر له ويكرمه على حسن نيته

بيت القصيد


ليالي جنوبية


عمرية


مفارق الخلان


من غير كلام


جريء بزيادة



مشكورين على مروركم ومداخلاتكم






تحياتي للجميع

موضوع حلو بو داحم


فيه عرسان سافروا برى المملكه شهر عسل
وصلو الصباح حطو عفشهم فى الفندق...وطلعو وتمشو و فرفرو إلين المغرب
رجعوا مهلوكين...العريس وقتها يبغى يسوى رومنسى..ف................................
..........و....................................... ........خخخ.................................أوف... .....
........................طيب....................... ......................ما ينفع.............................
قصر الكلام
تقفل باب الحمام عليهم!!... ولا فيه نور... ولا فيه تلفون....ولا أى وسيلة إتصال
بالعالم الخارجى للحمام
وطبعاً هذا الحمام وسط غرفتهم فى ابعد زاويه فى الفندق..( ورى الشمس) .
صدعو وبردو وطاحت الميانه وسخسخو ضحك على حالهم....ولا فيه أمل.
آخر شى اخر آخر حل....قعدو يخبطون يخبطون يخبطون يخبطون..
إليـــــــــــــــن الصباح اليوم الثانى جو الشرطه و امن الفندق و موظفين الإستقبال
وكسرو الباب عليهم...ويحاولون يدفون الباب على جوه
العرسان يردونه بقوه:
نو نو دونت اوبن ...قو قو آوت ماعلينا ملابس الله يلعنكم ومن بعد يجيكم
خخخخخخ
طلعوا ولبسو العرسان...وأستلموهم ذولاك تحقيق؟
و بعد ماعرفو رومنسيتهم البريئه(الغبيه)..طلعو وخلوهم

وبات العرسان فى هذا الفندق24 يوم...فى كل مكان يشار إليهم
بالبنان....أوه انتو ذولا...ههههههه اوه من جد انتو سمعنا عنكم..هههه

صاروا مسخره...حتى إلى يجون ياخذون الغسيل يوزعون إبتسامات صفرا .



وسلامتكم


رساله إلى اصحاب هذه القصه....إقروو العنوان ومشو حالكم
ولا حد درى عنكم.

مواقف صارت للعرسان أول ليلة لااااا تفوتكم !!!

ورع لاتروي وعاد ايي واعدي ايي بفشار

والله حرام عليكم تعبت من كثر الضحك على الاضافات الجميلة

خاصة

نو نو دونت اوبن ...قو قو آوت ماعلينا ملابس الله يلعنكم ومن بعد يجيكم


دمعت عيوني

يحبي لكم يا بنى عمرو