من روائع بن جدلان

االا يالله عفوك لا معي بيجرو لا جوال=ولا عندي وظيفه والتجاره فاشلن فيها
ولاعندي شهاداة(ن) ولا حرفه تسد الحال=ولا حظ(ن) كبير(ن) لأخطت الجره يقديها
مخابي الثوب تومي ما دخلها من زمان ريال=بها فاتورة الكهرب ولا يمديني أقضيها
على ذيك العراوي تتعب الحادي مع الجمال=ثلاث شهور فالورشه وشهرين مغطيها
ابيها لوتجمل يوم واجلبها على الدلال=يجيها واحدن حظه مثل حظي ويشريها
نصيت العسكريه يوم قالوا للنظام إرجال=وقدمت الملف و صورتن متشخصن فيها
خذ الأوراق مني واحدن ما عند بوه دلال=سلوم الناس وأهل المعرفه والطيب مخطيها
قراها في دقيقه والتفت عجلن علي وقال=شهادتك العظيمه ياولد وين انت مخفيها
هزيت الراس ما عندي تقول اني من البنقال=وقمت أحب خشمه واطلبه بالله تمشيها
حذفها من يده شين الطبيعه والنبا والفال=وقال أزين تعود صوب نوقاتك تعشيها
تناوشته من الكرسي وعقت الحل والترحال=وضربته بالبياله عقب ما بيحت شاهيها
خذوني للسجن لانيب لاظالم ولا محتال=مجرد واحدن جا يكحل عيونه فيعميها
ويومني خرجت أقفيت لارض الله وسيع الجال=على برن هواه يداوي العله ويبريها
ادور قصعة الجربوع والضب الفتى يحتال=والأرنب ياشفاة الروح محلاها وطاريها
بلا كهرب ولابيجر ولا غازن ولا جوال=قوانين الحضاره لاتبي شوفي ولا بيها

اسرار مدفونه/اشكر لك مانقلت

بن جدلانddfrad") غني عن التعريف
فنجال قهوة معه اعز من ابراج التجاره
له ولمشاعره جُل تقديري فكم هو رائع

احترامي لك

اسرار مدفونـــه
لاهنت على الإخـتـيـار الطيب يا غالي
وصح الله لساان الشاعر سعد بن جدلان
والله يعطيك الف عافيــــــــــه
تقبل أطيب التحايــــا

هلا بك اسرار مدفونه

ومشكور على النقل الطيب


وسلمت يمينك يابعدي

لفت انتباهي العنوان لمحبتي لابو محمد الشاعر سعد بن جدلان ولحفظي لاغلب قصايدة وعندما قرأت القصيدة تأكدت انها ليست له واحببت ان انوه من باب احقاق الحق وان اضيف هذه المعلومه للجميع وهي ان هذه القصيدة ليست للشاعر الكبير سعد بن جدلان الاكلبي وانما هي للشاعر الكبير سعيد بن مقبل المنيعي الاكلبي وهذا الشاعر تربطني به صداقه وهو من المبدعين في كتابة الشعر الساخر

وتستطيعون مشاهدة هذه القصيدة في منتدى منطقته من خلال هذا الرابط

(( للمــشاهــدة اضــغـــط هــــــنــا ))



وتقبلوا خالص مودتي