سلطان الهاجـــري و ذيب الشــمـــري

السلام عليكم ورحمــة الله وبركاتـــه

اسعد الله جميع اوقاتكم بالخير جميـــــــــــــــــع

محاوره(قلطه) سلطان الهاجري وذيب الشمري

ان شاء الله تعجبكم


سلطان الهاجري

عن حجاز المملكة عن نجد والشرقية / مرحبا باصحابنا جيراننا الغاليني
شد حيلك واحتزم ياذيب بالجنبية / مار قل لصفوف شمر تنقسم قسميني

ذيب الشمري

بالنيابه عن شمال الكوره الارضيه / البقا باللى جميع اخبارهم تعنيني
صفنا ما يقبل التقسيم فى برقيه / دافعٍ قومي ايقسّمهم ودافع ديني

سلطان الهاجري

ودي اسير عليكم بعد عيد ضحيه / وان طرالي شي ثاني جيتكم ذالحيني
اجدع الجوال واخف ارقامه السريه / واطلع من العازل الصوتي لجل توحيني

ذيب الشمري

صاحبك ناويك يا سلطان نفس النيه / اقنع بفرض الكفايه قبل فرض العيني
تحترق بالنار نصف اشواقك القلبيه / وجايز انه يلتغي عقلك قبل تلغيني

سلطان الهاجري

خلني ياذيب لين اقص راس الحيه / لاتروح الحبحبه تزحف علي السكين
قبل اشيد خيمتي فالفيضه المحميه / وضعها مهوب مزعلني ولا مرضيني

ذيب الشمري

بالخلال ومن خلال الرغبه الشعبيه / امسح اللى كنت كاتب فى قلمك الشيني
لا تفكرها ليالي شارع الحلميه / فيه دسكٍ ما يعالج بالعلاج الصيني

سلطان الهاجري

والله اني مالويت الشوشه الملويه / لين شفت افكاركم تلعب علي الحبليني
شي اكيد ان البشر مامورتن منهيه / بس لاتنسى ترى نص الميه خمسيني

ذيب الشمري

احفظ حقوقك وخل حقوقي الشرعيه / لا تسير براي نابليون واستاليني
المطالب يالهواجر غير قانونيه / مالكم عندي مطالب وينكم غاديني

سلطان الهاجري

حارس الخزنه علامه يسرق الربيه / وان وصله الموت قام يصيح ويناديني
علم اللي لابسن له مشلحن عاريه / قله انه هو سبب نكبتك يا مسكيني

ذيب الشمري

اختلف رمى الرجال وطاحت الطاقيه / والعرب شافت هلال العيد شوف العيني
انت يا سلطان ضمن الجمله الفعليه / بالليال القادمه يطويك ما يطويني

تقبلوا خالص الـــود

سيف العرب
ولا اروع
جمل الله حالك وحالهم

روعه بحق

واشكرك دوماً لما تقوم به

سيف العرب

بيض الله وجهك

محاورة تستحق القراءة


لك المقدريه والوقار

فالك الطيب

المسكت

وحالك يا غالي

لاهنت والله يعطيك العافيه على مرورك الطيب

وشاكر لتواصلك العذب دائماً والذي اعتبرهـ وسام وشرف يدفعني للمشاركه

تقبل خالص الود ولا عدمنــاك

حيالله سيفنا الغالي
اشكرك على هذه المحاورة الجميلة
واشكر لك هذا الذوق المميز
استمتعت بالفعل بهذه المحاورة الرائعة
تقبل خالص المودة
دباس الجارح

محاوره رائعه


ونقل اروع منك اخوى سيف العرب


فائق احترامي لك



سسسسسسسسسسسسيف الساهر

سيف العرب لاهنت

والله يعطيك العافية على هذه المشاركة الرائعة بروعة حضورك

دمت وفياً ... ونحن ننتظر دائماً جديدك ونقلك المميّز

هلا والله

قل لصفوف شمر تنقسم قسمين

قال ما ينقسمون شمر

وحنا سبعين قسم ولا نجي عشر شمر


سلم على حايل وسلم على شمر

سيف العرب لاهنت

والله يعطيك العافية على هذه المشاركة الرائعة بروعة حضورك

دمت وفياً ... ونحن ننتظر دائماً جديدك ونقلك المميّز

الغراني

وجهك ابيض يا القرم
لاهنت والله يعطيك العافيه على مرورك الطيب
تقبل خالص الود ولا عدمنــــاك

صالح آل سلمان

الله يبقيك ويسلمك
تشرفت بمرورك الكريم وتعليقك العذب
فلك خالص تحياتي وتقديري

سيف الساهر

هـــــــــــ وغلا ــلا
تشرفت بمرورك الكريم يا غالي
لاهنت والله يعطيك العافيه
تقبل خالص تحياتي

ابو ريان

الله يعافيك ويسلمك
تشرفت بمرورك الكريم يا غالي
تقبل خالص الود

سعيد بن عبدالله

تشرفت بمرورك الكريم يا غالي
وكلامـك في محله لكن ربك يعين
تقبل خالص الود

سهيل الشرق
قايلٍ ما يهون يا سهيل
تشرفت بمرورك الكريم يا غالي
تقبل خالص الود

سيف العرب الله يعطيك العافيه على هذا النقل الاكثر من رائع............................

بيت القصيد

نقل جدآ رائع مشكور اخونا سيف العرب .... ولا هنت