++++( صمت الوداع )++++

فارقت من لاكان ودّي أفارقـه =عقب الصلاة وتوّها الشمس شارقه
الفجر يوم الناس تسعى لرزقها =أنـا عيوني بازرق الدمع غـارقه
بكى وأنا أبكي يوم وقّفت أودعـه= والكـل منّا يذرف دموع حـارقه
سـلّمت ويديني بياديـه ترتجف = ويديه بيديني من الخـوف عارقـه
وأقفا وأنا قفيت والصمت حيلتي =عز الكـلام ودمعـة الياس فارقه
وحسّيت كن القاع حدري تزلزلت =يـوم ألتفتلي وأسـتهلّت غـوارقه
سـرقت من دنياه لـذّات دنيـتي = برضـاي سارقني وبرضاه سارقـه
همّي وهـوجاسي وحـبي وغيرتي=للي بوسـط القلب ناصـبٍ بيارقـه
وعـوّدت للمطلاع حزينٍ ملتجي=والقلب مـّني طـارق الهم طارقــه
ضلعٍ ورا المطـلاع شـوفه يريحني=عسـا الحيـا يسقيه لالاح بارقه
كتبت في عاليه حـرفي وحـرفها = ورسمت قلب الحب والسهـم خـارقه
ذكرى غـرام مات من قبل ينولد=بفـراق من لا كـان ودي أفارقــه

للشاعر /( طلال السعيد)

بوسالم
سرى ليله

كل ليله اسر وانقل لنا رائعه
فكم لتلك الكلمات من جمال


اشكرك واشكر لك مانقلت

وكلك ذوق

احترامي لك

المسكت

نقل واختيار رائع بو سالم بروعه حضورك

اخوك

سسسسسسسسسسسيف الساهر

	$ مشكور (( المسكت )) على مرورك الجميل ..تسلم أخوي. $$ مشكور يا ((( سيييييييف الساهررر ))) الله يخليك ويدميك للمنتدى..

يعطيك العافية بوسالم سرى ليله على مجهودك الطيب واختيارك لهذه القصائد

بو سالم سرى ليله

اررررحب والله ان ترررحب


اشكرك على مجهودك في النقل الرائع


قصيدة في قمة الإبداع



لاهنت لاهنت لاهنت


ننتظر مشاركاتك القادمة

ما أصعب لحظات الفراق

خاصة لما يكون أقرب قريب يرحل ولا يعود

ويبقى شي من الذكرى شاهد على لحظة ألم

قصيدة مؤثرة

واختيار رائع

@ سعيد علي >>>> مشكوررر مرورك وكلماتك أسعدتني ...
@ الغراني >>>> مشكوررر ولا هنت مرورك..
@ سعيد بن عبدالله >>>> مشكور أخوي على مرورك ولا هنت ...