أنا وهمي والحزن face to face

السلام عليكم ورحمة الله وبركاته


عنوان القصيدة : الـــــتوبه....( هل ستكون الأخيره ) ؟

-----------------------------------------------------

قصيده رااااااائعه
للمرعب سعد بن علوش
تفتح باب الأحتمالات لإعتزاله
قصيده لشاعر ملأ الدنيا والأسماع بشعره ؟ هل ستكون النهايه!!

*******************

من كل حرف وكل شهوة صبابه=أستغفر الله وأتعوذ من أبليــس
أعــوذ باللي آوى عبد وسـرابه=لاجي نهار الحشر خلف امرئ القيس
يارب..... يارب الكرم والمهابه=يالـي لك أعلام الأوادم مناكيس
جـردني من النابيه والسبــــابه=ولبسني من دروع هديك متاريس
تعبت من مسك القلم والكتابه=والشــعر. وفتن النسا والأباليس
والمدح في غزوه وشيخ وقرابه=واللاء.. لدعوات الرضيين والليس
والحب, وماحوله, وماله, ومابه=والدمع لاهبت علي النسانيـــس
والشوق وأغفال العقل وأنغلابه=والليل وخطط الدها...والجواسيس
والشهره وحكي العرب واللبابه=وزملوق شفَ ماتعسه عواسيس
وحصرأسمي فشاعر فساحة غرابه=شعارها فيهم رخوم وملاحيــس
وأنا لعطَاش الأوادم سحابـــــــــه=ومن خلقتي ماقد وطيت الدنافيس
تاكي على إرث الأسم بالنيابـــــه=واقطف خلاصة مااغرسوا الغواريس
احسبني فايز بالرضـا والـــذرابه=واثـري مثل من يحصر النور في كيس
اقفي من الله والأمـل والرضـــابه=واروح أدور من ورى أبليس أحاسيس
أسهر على فن الكلم والخطابــــه=واصبح ولين اللي جمعته حماليس
قلبــي لعزاف الاوادم ربـــــابـــه=وراسـي لخطــوات الشطانه دواعيس
تقودني نفسي ولا أشعر ولاآبــــه=مالت عليهــا عاصيات الهواجيـس
من عنده إن كل الشعور يتشابـــه=روس مع اللي في الدحادر مراويـس
الأثم ماحاكه في خفوق وخفـابــه=والخــير ماشــاعته روس النواميس
كم شي صار وصار ماينــدرابــه=وكم نومـة ماكدرتها كوابيــــــس
ترى ماحـد له في رقبتي طلابــه=بس الصراحه من شــمَ الفواعيس
والرجل إذا مايعتبر من شبـابـه=يعيب قبل يشيب ويشيب ويخيــس
ياراجي ارجي اللي ماينصك بابه=لاترجي الوهبات من هيس بن هيس
استغــفر الله واتتقى عـــــذابــه=للي فرقني عن حيــاة المتـــاعيـس
من قبــل أعرف الهدي واعنـــابه=أنا وهمي والحزنface to face
والحــين لله الفضـــل والإنـــــابه=متعـــافي ويمشي على زنـدي التيس
هــادي يشوشني طزيز الذبـــــابه=لاعــد لأيام الغبينه ولا أقيــــــس
شـــريت عقلي في سؤال وإجابه=أنا أعبـد الله.. ولا أعبد الوساويس؟؟
لــذة خفوقي وانجلاية ضبــــابــه=سجـــدات ليل ظالمينه منــــاعيس
فـ أجواء مكه والحـرم والرحــابه=لاياااابعد روما ولندن وبـــــــــاريس
هـذي ديــار المصطفى والصحـابه=وهــذيك دار أبليس وعوَيل أبليــــس

®مـنـقـول©

قصيدة قمة في الروعة
الله يعطيك العافيه اخي أبو فارس
وصح لسانك ولسان قايلها
تقبل خالص الموده
دباس الجارح

السلام عليكم ورحمة الله وبركاته

مشرفنا الغالي دباس الجارح بارك الله فيك

اشكرك على حضورك وتعقيبك

وتقبل أنت أيضاً تحياتي العطرهـ

ابو فــــــــارس..

اخجل

لو عقبت بكلمة عليك


لذلك


اعذرني

بالصمت

لان الصمت في حرم الجمالِ جمالٌ


اخوك
بقايا

ما اروع الحقيقه عندما تُطق صاحبها

اشكرك ابو فارس على نقلك لتلك
لما فيها من أهوال


والله يثبتنا بالقول الصالح
والعمل الصالح

رعااااااك الله
وصح الله لسانه

اخوك المسكت

الله يعطيك العافيه

أخي أبو فارس

وألف شكر لك على

هذا النقل الجميـــــل


تقبل خالص التحيه00

ابو فارس


الله يحييك

ولاهنت على المشاركه الجميلة


صح الله لسان الشاعر/سعد علوش, وسلمت يمناك على النقل الجميل



لك جل احترامي وتقديري

جزاك الله خير

قصيدة رائعه

نفع الله بك

ولا عدمنا امثالك

تقبل تحياااااااااتي

السلام عليكم ورحمة الله وبركاته

أخي بقايا عشق بارك الله فيك

أشكرك على حضورك الجميل

تقبل تحياتي

السلام عليكم ورحمة الله وبركاته

أخي المسكت بارك الله فيك

ما أجمل ما قلت :

"ما اروع الحقيقه عندما تُطق صاحبها "

اللهم ثبتنا بالقول الثابت في الحياة الدنيا والآخره

السلام عليكم ورحمة الله وبركاته

أخي ابومانع بارك الله فيك

أشكرك على حضورك وتعقيبك

تقبل تحياتي

السلام عليكم ورحمة الله وبركاته

أخي الغراني بارك الله فيك

لاهنت على حضورك الأجمل

أشكرك على مشاركتك

تقبل تحياتي

دائماًرائع ياأبوفارس...في مواضيعك

جزاك الله خير أنت والشاعر علوووش.

قصيدة رائعة بروعة الشاعر والراوي

الله يعطيك العافية يابو فارس

العلالي.......................