مثــــــــــــبــــــــــــتــــــــــ؟؟ <<< واثقـ من نفســهـ

يا رب صبرنـي على امــرك وبلواك

واجبــر عزا من شاف ضيم العزايـر
مثل الدريك اللي على حـوض الادراك

يبكـي ودمعـه فوق الأوجان جايــر
يا عيـن هلـي ذارف الدمـع سفـاك

وابكـي وهاتي ما خفــا من عبايـر
يا عيــن لا تبكيــن هــذا ولا ذاك

الا ولا فرقــا الأهــل والعشايــر
ابكي على سمح النبـا حسـن الاسلاك

اللي عليــه مغوزر الدمـع فايــر
قلبـي عليــه من الولــع فيه دكاك

والحال منــي خلصت بالحسايــر
كنــي ربيـط الروم في وسـط شباك

ولا كسيــرٍ موجعتــه الجبايــر
قدم العرب غادي بشــوشٍ وضحـاك

والكبد يصلاهــا لهيـب السعايــر
يالله يا والــي تصاريــف الافـلاك

يا مطفيٍ نار السنيـــن العسايــر
يا من لعسرات الشرابيــك فكـــاك

والـي السماء والـي جميع البصايـر
اسألك مـن جودك وفضلـك وحسنـاك

تجمع بشملــي مـع ظبـي الزباير
الجادل اللـي يصقــل السن بالــراك

حاوي محاســن محصنات الخدايـر
سبــه عزاي وصــار للروح ملاك

وارخصـت له عمري وما بالذخايـر
يا زيـن روحـي يا أريـش العين تفداك

حيثك هواي وعن هوى الغيـر ذايـر
علــي نذرٍ ان ولــف الله بلامــاك

لا رزّ رايات الفــرح والبشايــر
واصــوم لله ما تيســـر لعينـــاك

وابني لحبـك بالضمايــر منايــر
يا زيـن يا عــذب اللمـا كيف بنساك

والحب سلطانه على الحـال جايـر
يا مورد الخديــن محلــى سجايـاك

يا سيد كلّ المترفــات النضايــر
يا زين شفنــي من غرامـك وفرقـاك

كني على جـالٍ من اليـام هايـر
سهــرٍّ ونوح بنـوح ورقٍ علـى الراك

معذا تصفقنــي ركون العوايــر
يا بو محمد يا فتــى الجُـود بنخــاك

يا فرحة المضيـوم يوم الكسايــر
شـف لي طبيــبٍ شاطــرٍ لا عدمناك

كــوده يداوي علـةٍ بالضمايــر
والا فنــا يا معــدن الجُــود ويـاك

نركب على ثنتيـن عوصٍ حرايـر
نركب عليهــن يا فتـى وقت الامساك

من دار أبو فيصل عزيـز القصايـر
والعصــر حول مريـخ وبيمـة اشياك

ومنكبيــن المزهـره والنقايــر

صحت يمناك ياموج الجنوب ..

قصيدة رائعة ملتهبة إبداعاَ




لك أرق التحايا ..