قلب ميّت..

نفسي أصحّي قلب ميت

نفسي أضحك ....نفسي بس بضحكه حلوة

ودي أنسى ...نفسي أسلى...

ودي ابقى في طفولة ....نفسي أحرق كل صورة....

آه ..كم ودي اقول غير ودي ....

غير نفسي....

بس يا لحظه عجولة ....العشق لازم نقوله.....

لازم أحكي كل فصوله.....

وآه ودي......وآه نفسي ......

أتنفس ريح عطرك.... وكل ما أصحى أشمك...

أحتويك ..وارتجف لك ...رجفة....رجفة..

وأشعر براحة يديك ...نبضة...نبضة...

ونلتصق ..ويطرد الحب الغضب..ويختفي منك الزعل..

وفي شعور العاشقين...

أتلمس فيك روحك... وأختفي داخل عروقك....

لا يحس فينا أحد ....ولا أحب غيرك أبد......

وفيك ودي أني أسري ....

من قدم رجلك وظفرك ...لين شعرك....

في خدودك ...

وفي وصوفك...في مساماتك.....أعيش......

وآه ودي .....وآه نفسي.....

الجبل...وتراب جدي....والعرب..وذياب تعوي...

يشهدون كيف كنتي ...أكتبك في ليل وجدي...

وآه كم ودي وودي....

فيك أحيا ....فيك أغوص.....يا عجب وجهك عبوس.!

وما يهمني....لو تكون اللحظة آخر...

وما يهم بعدك أموت.....!

وآه كم نفسي وودي....

تلبسيني ثوب وردي....وألبسك ومن بعدها أشربك..

وارسمك فيني رسوم المشاعر....

والطبول في مراسم فرح قلبي ...

ومن قبل ما الصبح يبدي.......

نفترق ...والحرف يجري....!

حرف باكي....وحرف ناسي...

وحرف يكتب لك مأسي.....


وآه كم ودي ونفسي....

متى؟؟...تجلسي يم المرايا ...

أمشط الشعر الطويل....وفي فرح دمعي يسيل!

ترقصين والشراشف تحت رسمك!

والمناشف تلتحم وتلف خصرك!

وآه ودي وأه نفسي...

تنعمي فيني العيون...

من بعد شوفك يالحبيبة

وكل شي بعدك يخوووووون!