لنفسك حق

يا شارب الدخان حاسب ضميرك
**************** **** ترى لنفسك حق ولغيرك حقوق
سجارتك تحرقك وتضر غيرك
******************** *** وهذي ترى تنعد زلات وعقوق
حافظ على مالك وحدد مصيرك
************** ** ترى الورق ما يحفظه جيب مشقوق
نفسك تشوم إذا سمعت لمشيرك
****************** * ومالك يزيد اذا حفظته بصندوق
والمال والصحه تراها عشيرك
*************** *** ان فارقتك اصبحت في ذمت حلوق
إما تقول اصحابك الله يجيرك
************************ ** ولا يقولون أعتبر ربك تفوق
وعداك تشمت بك بشيء يثيرك
************************ اما بنقص المال ومفارق السوق
ولا بوضعك فوق شرشف سريرك
************ **** من بعد ما كنت القوي صاحب الذوق
اصبحت في يدين البرايا تديرك
********************** *** والأدويه بأنواع والأجهزه فوق
وصحتك تدهور وهذا نذيرك
*********************** * معالم تنبيك عن مكمن العوق
وختامها يا خوك حاسب ضميرك
********************* ترى لنفسك حق ولغيرك حقوق

*********************** غرمان بن عزيز

نصيحة رائعة بارك الله فيك .

صح لسانك ولا هنت .

صح لسانك أبو محمد ..
قصيدة هادفة وجميلة بيض الله وجهك ..
شملت كل ما يمكن ذكره من مخاطر صحية ومالية
وجاء الوصف والتعبير بشاعرية مميّزة كالعادة ..
منها للأجمل ولك تقديري ..

أبيات رائعه ماشاءالله
صح لسانك..شكراً لكـ

أبيات مميزة ،
صح منطوقگ يابومحمد،

الله عليك ياغرمان إبداع ....
في كل مره أنت غير
رغم وضوح نمط سيرك بالشعر ألا أنه لايشوبه الملل
عذب يابوعزيز

التوعيه وإن كانت نوع من الرقابه الا انها تبقى أهم من الرقابه العمليه


صح الله لسانك ولا هنت ولا هان قافك والله يكفينا شرور أنفسنا وشرور الدخان ....أخوي

صح لسانك يابو محمد

الله يفكنا منه على خير وبخير
قصيده توعويه رائعه . دعواتكم

تحياتي لك

صــح اللهــ لسانكــــ

شكــــراً لكــــ