وينك يا وليف الجروح

بسم رب الخلق نبدا والله اللي يعلم النيات
ثم اصلي عـ النبي الهاشمي محمد وصحبه وآله
عد ما لاحت بروق في السماء ودنت رعودها
بعدها بشل صوتي وانشد العراف والعقال
عن صديقٍ غابت انجومه ولا ادري ويش صار له
يا وليف الجرح وينك زادت اجروحي ولا انت بحولي
والخلايق تو عيني شفتها تنشر حبالها
والخلايق تو عيني شفتها تنشر حبالها

صح السانك يالرادار

وو ليف الجرح ما غيّبه إلا عذرة

وأتمنى حضوره العاجل فقد و حشنا غيابه ,,

تحية ودّ تسبق الرد يا غالي ,,,

الرد
باسم رب الخلق نبدا والله اللي يعلم اني ات
والله اني يا مبارك في لقاك وفي قصيدك واله
والنشاما ثابتة بين العرب ما كسر عودها
ودي انشد راعي الافكار عالمعقول والعقّال
والجمال اللي تهادر في طريق الموت نازله
صاحبك حولك ولكن.. طالع ودقق ولا انت بحولي
والنفوس الطيبة بعد الوفا ينشرح بالها

تبارك الرحمن الله يعطيكم العافية جميع

السلام عليكم ورحمة الله وبركاته
كيف حالكم جميع عساكم بخير
أدري إني مقصر في الحضور ولو أعتذر فمالي عذر
ولكن الاجاويد عذارة وأنتم على البال دايما ونطلب العذر على القصور
جميع من سأل عني له الحب والإحترام والتقدير
وأخص أخوي الغالي الصديق الرادار وأقوله لعلك أكثر شخص
تعرف مايشغلني عن التواجد ولك الحق تعاتبني على عدم الحضور
ومابدعته من قاف يستاهل التحية ويستاهل الرد.
لاأستثني أحد من إمتناني الخالص والعرفان وجزيل الشكر.وإنشاء الله يكون تواجدي معكم من الاسبوع القادم بإذن الله بيكون تواجد مستمر إذا ماحصل هناك أي ضروف طارئة.
بسم الله
ياسلام الله عليكم ياهل قالاتٍ وهل شيمات
ياسلام الله عليكم ياهل تاريخٍ مجيد وقالة
السيوف البارعة يحمى شباها في حدودها
عشت ياللي من عرفتك عالوفا والطيب بك مازال
من نشد عنا وواصلنا فحقٍ إنّا نواصله
وإن حظر ياهل الوفا والطيب لازمكم بقوم بدولي
والعلوم الغانمة ياطيب من حظّه بدالها
والعلوم الغانمة ياطيب من حّظه بدالها

الله يحييك يا وليف الجرح تحية السيل

ودّي ان القارعة تستمر أنا باكمل معك
والشيباني مع الرادار إذا ما عليكم كلفه /

الرد=
مرحبا بك يا رفيق العزّ قافك حيّ ولا شي مآآآآت=
قلتها لك من صميم القلب و العربان كل ٍ قاله=
و الله اللي يعلم ان امعزتك تبعد حدودها=
لو يزلّ اهل الردى يبقى الوفي وافي و هو ما زال=
و الملافي في اللوازم حبكته يوم النواص ..له=
وانا يا ربعي في اهل المرجله لي هقوةٍ تبدو لي=
مالي ابغير السمان ولا ارتضينا شيْ بَدالها=
مالي ابغير السمان ولا ارتضينا شيْ بَدالها=