ملخص محاورة الشاعر فيصل المالكي والشاعر غرمان بن عزيز

البدع ابن عزيز

الله يجازي حال هذا الزمان بخير
اللي يبين صحبة أهل السعه والضير
غبنا ولا أحد قال وش فيك يا غرمان
إلاّ الصديق الصادق الشهم أبو ريان
عساه يسلم من صلوف الزمان وضيره
وعسى عدوّه ما تحرّك قوايمه


الرد فيصل المالكي

ياصاحبي لاتقرن لي اللي قدم باخير
لاتحسب ان الشهد يشبه سمن ومضير
والله ماني لك معادي ولا غرمان
والعود الاخضر من ميات النهل ريان
ان غبت والا جيت كلا يريد انظيره
ماقامت الساعه علينا قوايمه

البدع ابن عزيز

المحترم له عندنا واجب التقدير
واللي يخالفنا عليه العذاب يصير
يقولها اللي يثبت العلم بالبرهان
ولا أترجى من بعيد النسب غفران
الله سبحانه طلبته ولا أطلب غيره
يبقي على أهل الدار كامل نعايمه

الرد فيصل المالكي

المعرفه بيني وبينك لها تقدير
فلا يدل الدرب غير الذي بصير
لاتحسب ان الدخن متروك والبُر هان
مادام الامطار الغزيرة لها غفران
حنا السعوديين واهل الشرف والغيره
مثيل بحرا فوقه الجن عايمه

البدع ابن عزيز

لا والله إلاّ خانك الشعر والتعبير
يافيصل الشاعر يقصّد بعد تفكير
يعرف معاني كل شاعر مع القيفان
ولا يجيب إلاّ بيوتٍ على الأوزان
يعيد شعره في حنا الذاكره ويديره
وإذا بدأ به ما يجي فيه لايمه

الرد فيصل المالكي

الموت من بعده يجي الغبن والتعبير
في الناس راعي عطر صافي ونافخ كير
غرمان ياغرمان ياشاعر القيفان
احذر يغرك وقتنا اللي مضى لو زان
حنا من اول قد حمينا حدود الديرة
والسيف الاملح ساطيات(ن) هلايمه

البدع ابن عزيز

الموت ما يرحم كبير ولا صغير
والعطر من عطارنا يكره التبذير
والحمد لله ما بعد صابني نقصان
أداري الأيام وأداري العربان
وأبحث عن اللي قالوا أنه حسين السيره
وإن جارت الدنيا قويه عزايمه

الرد فيصل المالكي

لا توصي الزارع على الغرس وص غير
يكلف على زرعه ويجهز لها التبذير
وعلى علوم الجد متماسك وصان
ووسط قلبه كانز الطيب والعربان
ربا على فعل المكارم وواصل سيرة
والناس توصلة وتلبي عزايـــــــــــــمة

البدع ابن عزيز

بعض النشاما هقوته مثل قاع البير
والبعض الآخر هقوته مثل عش الطير
متعاليه لكن ما جاء لها عنوان
ولا حسبها لا سليمٍ ولا تعبان
والشعر نسعى كل يومٍ على تطويره
وأنا وفيصل في يدينا قسائمه

الرد فيصل المالكي

سلمت ياشاعر كما المسك والعبير
يرمي ورمياتة بصدر العدى تطير
واهل الكرم والجود يبدي لها عنوان
ولا تلحقهم مذلة ولاتعبــــــــــان
واللي رمى رمية خطا مابدا تطويرة
مثيل من هو ياكل القمة سائمة

البدع ابن عزيز

الهادم أكثر يا أبن الأجواد من التعمير
والقلب ما تضمد جراحه مع التخدير
ان كنت فاهمني فقل يالخوي فهمان
وان كان ما وصلك خبر فأسأل الجيران
أسأل عن اللي واضح بيننا تعبيره
له عدة أسماء وأثبتتها جرائمه

الرد فيصل المالكي

عجل لنا بالكيف ياصاحب التعمير
مالك ومال الهم والورد والتصدير
من جاء يخوفنا فقل له خويفه مان
سمحان شال الحمل يوم الحمل جيران
من لا اعتبر من عيشته وش ترى تعبيره
عشر عدد مجروم واعرف جرايمه

البدع ابن عزيز

أبشر بعزّك والخبر ينقصه تحرير
وأبغى تكون أوصاف عنوانه التكبير
يدري به الشايب ويدري به الشبان
وأبني عليه العلم وأعزز البنيان
وأقول هذا علم ما يحتمل تأخيره
وأكشف علومٍ داخل المخ صائمه

الرد فيصل المالكي

ماعندنا استعباد فكري ولاتحرير
قلوا لراعي الكبر مايصلح التكبير
راعي البخل ماجاء بهيلا ولابنيان
وترك راعي الشر يمكن فيها خيره
سفله وتركه خير لي من خصايمه

البدع ابن عزيز

أرجوك يا فيصل تقدم لما التقرير
وأطلب معك في جلستك طاقم التصوير
أبغى أثبت أن الشعر له في الكتب شيخان
شيخ يقوله وأقتبس من شعر حسان
والشيخ الآخر يكتب الشعر من تفكيره
عايش بفكره وأكثر الناس نائمه

الرد فيصل المالكي

جتك القصيدة بعد طورتها تطوير
خذا الحقايق ماتصورتها تصوير
لاشيء عصاني في زماني ولاشيء خان
واللي تبي تحسين حسنتها حسان
وصاحب الكير الذي ودي انتف كيرة
ضاعت علومة بعد ضاعت غنائمة

البدع ابن عزيز

لا والله إلاّ قامت الحرب بالتدمير
ماهي مجرد كلمة قالها شأمير
ولاّ صواريخٍ تساقط على الجولان
واللي خبيثه نيته فاله النيران
حتى ولو برر أنا كاشفٍ تبريره
معروف من ناسٍ في البر هايمه

الرد فيصل المالكي
الشور في يد النشاما وفيدأمير
ماعاد يبي للكف كما ولا شامير
حنا عرفنا الدار من كثرة الجولان
والدرب للعينين ياصاحبي نيران
البِر لاهل البر والكفو من تبريره
راعي الوهم وش حدنا في وهايمه

لاهــنـــت يــا فيصل المالكي

صح الـلـه لـسـآنــك ولـســآن غـرمــآن

والـلـه يـعـطـيــكــم الــعــآفــيـــــه

تــقــبـــلــوا أطــيــب الــتــحـــآيــ سيف العرب ـــــاا

مشكور اخوي سيف على مرورك والله يعطيك العافية

صحت السنتكم على المحاورة الرائعه

تقبلوا تحياتي

صح بدنك اخوي اخوي بارود وتسلم على المرور

دام لنا حضورك ....ودمت بود

محاورة قيمة تشكرون عليها

الله يعطيكم العافية

تسلم على المرور اخوي ابوعابد والله يعطيك العافية

دام لنا حضورك ....ودمت بود

صحت السنتكم على المحاورة الرائعه
اشكركم جميعاً واتمنى تكارها
لانها من اجمل المحاورات التي استمتعت بها
تقبلوا خالص المودة
ابو عبدالله

هلاوالله وغلا انورت صفحتنا يابوعبدلله صح بدنك وتسلم على المرور

لا تعليق محاورة جيده

تحياتي للجميع

الاماكن

الاماكن مشكور على مرورك والله يعطيك العافية

غرمان بن عزيز .. فيصل المالكي .. الحقيقة انكم شعار كبار أشكركم ولكن أعتب عليكم عدم الإستمرار في المحاورات الجميلة .. الله يقاكم ..

متى ما حضر الإسمان الكبيران في هذا المنتدى حضر الشعر الجميل وظهرت المحاورة ذات اللون والذوق الجميل ..
غرمان بن عزيز ..
فيصل المالكي ..
اسمان رائعان لامعان ..
لله دركما والله يعطيكما العافية مبدعان على الدوام ..

الله يعطيكم العافيه
وصحت ابدانكم جميعا
لكم مني أجمل معاني التقدير والإحترام

صحيتوا وطول الله اعماركم على هل المبادره الطيبه