الصفعه...

اتعبيني

اتعبيني وخلي بالك

على الشعور اللي تركته

بين يديك

واتبعيني

ركضيني وسط بالك

لين يتعب منك عاذل

فيني يتعب فيك منك

يعتقد اني ابشري كل ضحاك

واركنك في زوايا اليل عتمة

ماحيابك شي حي

ومابقى بك حي شي

منك وحيابك

يعتقد انها المحاجر

تمرجح الظلمه بأماني

وتنطفي

كل ماهب الصباح

يعني شبهتك

بزقارة

تشتعل من كف فكره

وتنطفي بفم القصيد

يعتقد

رغم اني ساكن وسط اعتقاده

بالاكيد

اني اخر من يخون

واني ماخنت العيون

بسيل برد

حتى تزلق منك دمعه دافية

وتسقط بقاع الهدب

لين يلفظها الذهول

باخر انفاس الرئه

وتسقطين

وتكسرين منك فيني

منك فيني تكسرين حوبةٍ

وتشظا في حياتي

وتكرر هذي اللعبة معاي

اتبعيني

خلي امحي نقطتين

ساكنة, داكنه,ماكنة,

بكف التردد

اني اخونك او اني

اني اخونك

والله اني ما اخون

لوتدور الاشياء حولي

او حواليها ادور

صدقيني لو اخون وجيه خانت

اقسم وربي وفيت

رغم هذا عاجز والله اخون

لو تداهمني الخيانه

والله افرك كف ذهني

بكف ايام المدينة

واتشمم فوحة دلال الوعود

اخون والله اني ما اخون

اتبعيني

واتركينا نوشوش باذن المسا

حتى سن الشمس يظهر

من ورى فم الفجر

ونتمرغ ع النوافذ

خلي يغسلنا الصباح

قولي يغسلنا الصباح

وين وعودك

وامنياتي وامنياتك

وين شباك الاغاني

كل مافيني فتحته

القى فيني

اتبعيني

وخلي بالك على الشعور

واللي تركته بين يدينك

:

:

وليه ماحكيت ذهنك

ليه كبيت الاماني

ليه تبني من جفافي

غيمتين لشخص ثاني

وانكسر

وتنكسر نسمة حياتي

حتى جنب ألف واحد

كان يتمنى عيوني

وده بفيي وفيا

وللاسف

وينبت بعمري سراب

وبعد مامنك سمعت

ياحبيبي كل شئ بقضاء

ما بايدينا خلقنا تعساء

وانتي مازلتي جميله

وظل فارع

مشكلتنا بالتعارف

للاسف انا التقينا

بوسط شارع

كيف انا ابني بك طموحي

وانتي تذكرك

الشوارع ...

عذب هالشاعر

شاعر مبدع جداً ..
والقصيدة بكاملها من طراز عالي ..
اختيار مميز وتسلم ولك تقديري ..

المشاركة الأصلية كتبت بواسطة أبو ريان

شاعر مبدع جداً ..
والقصيدة بكاملها من طراز عالي ..
اختيار مميز وتسلم ولك تقديري ..

شكراً أبوريان...لكرم المرور وجميل التعليق



و تقديري ...ياعظيم

اختيار موفق الله يعطيك العافية

المشاركة الأصلية كتبت بواسطة بن ظافر

اختيار موفق الله يعطيك العافية

بن ظافر شكراً لكرم المرور وجميل التعليق



وتقديري ياعظيم

رائع ومميز مااخترت
الف شكر لكـ

ابداع بالاختيار وجمال شاعر عذب سالم السيار
يسلم ذوووقك يالصياد..

روعه
يسلم ذوقكـ واختياركـ

اختيار موفق بارك الله فيك .

شكرا لك .

عذبة الروح

تراتيل

بنت الجنوب

ابوفهد

لكم الشكر جميعاً على كرم المرور وجميل المشاركه والتعليق

وتقديري