حالي يسرك كان تسأل عن الحال

يا مخضبٍ كفك من اجروح دنياي = حالي يسرك كان تسأل عن الحال
:=:
هو عاد باقي قلب .. في حال فرقاي = للي هويته في خفوقي و لا زال
:=:
امداك ترحل .. كان يمديك .. ما امداي = والعالم الله وش يخبي لنا الفال
:=:
كان الوله نعمه و هالحين وياي = يابس شجر غصنه .. له النار منزال
:=:
اقفيت يمكن .. لكن الود فـ/اقصاي = اتعب خفوقي و الوهم ما له ظلال
:=:
من زاوية صمتي سمع همسي الناي = و ردد مع همسي .. لحن دمعته سال
:=:
في دفتر احزاني على اسطور شكواي = حطيت بصمه من جروحي يا عذّال
:=:
و من واقع الكلمه .. و ترتيب نجواي = لملمت حزني من تصاريف الاحوال
:=:
يعني اذا غابت حروفك بـ ذكراي = ما عاد لي في قصة الحب مقيال
:=:
يا طيب راسك يا قصيدي و ملجاي = عطيتني دعمك على حرب الآمال
:=:
البيت عزوه و القوافي مع الراي = اعجوبة الشاعر و تثمين ما قال
:=:
ابحر بي المعنى من احساس مرساي = اجمل سفينة حب كانت على الجال
:=:
يشدني فيها عبق ريحة الشاي = و مزح الملامح في عيوني و الاطلال
:=:
الليل ليلي و القمر فيه معناي = حتى و انا انزف .. ترى رايق البال
:=:
سجلت ما فيني على رسم يمناي = و الحال طيب كان تسأل عن الحال

قصيده رائعه
سلمت على الإختيار المميز
الله يعطيك العافيه

أن شاء الله دوم ابو حسن

تسلم الايادي والذائقه
على هذا الاختيار

مودتي

ابو زياد

عذبة الروح

حياكم ربي وعافاكم

وشكر لكم حضوركم وتشريفكم

ولكم تحيتي

ذوووق ابو حسن
احترامي لقلمك المميز
سلمت يمناك ودمت على الابـداع
لروحك انفاس الورد

يمك دروبي

حياك ربي
وهذا من ذوقك الرااائع
واشكر لك ردك ووردك


ولك تحيتي

تسلم بارك الله فيك على هذا الا ختيار
ابحر بي المعنى من احساس مرساي = اجمل سفينة حب كانت على الجال
:=:
يشدني فيها عبق ريحة الشاي = و مزح الملامح في عيوني و الاطلال
:=:
الليل ليلي و القمر فيه معناي = حتى و انا انزف .. ترى رايق البال
:=:
سجلت ما فيني على رسم يمناي = و الحال طيب كان تسأل عن الحال

هلا بك

بن ظافر
وربي يبارك فيك ويسلمك

ولك تحيتي