حتى تكون مثقفا..... سعوديا

(( لتصبح مثقفاً سعودياً من مثقفي هذا الزمان ،، اتبع النقاط التالية وانضم لعالم المثقفين))

أول شيء امحط أم اللحية والشنب ولايشوفون إلا خضار عروقها

وبعدين إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة

.

وإذا قالوا لك من شاعرك المفضل قل محمود درويش و ادونيس حتى لو انك ماتقرأ إلا لضيدان بن قضعانوسعد بن جدلان.

ابتعد عن المباشرة في الكلام واعمد إلى " التعفيط " و " التمطيط " وبدل ماتقول "في البداية " قل : " بادئ ذي بدء " وبدل ماتقول "وهذا يدل على " قل : " وهذا إن دل　فإنما يدل على " ... لاتقعد تقول صعبة ومشوار ومدري إيشلازم تصبر وتتحمل ...ترى الثقافة مهيب سهلة !!!!..

إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن في المقال كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش

.

كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.

خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه

.

انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في البجادية وإلا جراره

,

إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة

!!!

إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي

, لا..قل أقرأ الحياة والشرق الأوسط والاقتصادية حتى لو انك مابعد شفتهن على الطبيعة

إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه

".

حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.

لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث، عشان يقولون واااااو لغته رااااقية خخخخ.

حاول تعاكس أي رأي أو سالفة وخل نفسك شينة عند أبداء رأيك في أي حدث سواء أقتصادي أو سياسي أو أجتماعي لاتدودل رأسك حتى لو يكون الموضوع لايهمك تكفى وأنا أخوك لايخمونك الرجاجيل

إياك تجيب طاري المشايخ أو الأدباء أو الكتاب المحليين في سوالفك ، بل استبدلهم بأدونيس ، أو أينشتاين ، وهيتشكوك ، وشرواهم " شرواك الطيب ههههههههه

وبذلك تصبح مثقفا ذا شأن ومبدع ويتسابق الاعلام على نشر كل ثرثرة تخربط بها مهما مانت سذاجتها
.............................................تحيات ي

"

صدقني أن ما ذُكر أعلاه هذا ما نحن عليه في عصرنا هذا وهذا واقعنا وهذا ما نلاحظه ونراه سواء في مجتمع صغير أو كبير .. ولا ينطبق على الكل ولكن على الاغلب ..

ولابد من التعايش مع هذا الواقع ومع أصحابه ..

ولكن تأكد أنه لا يوجد أفضل من الطبيعة الشخصية والثقافة البسيطة ..


وشكراً ، ودمت ..

.

اسعدني مروركم


....................................تحياتي

خربطلي وتستمر الحياة

اقلك الله يلعن ابو الواسطه اللى خلتك تكتب لنا من لندن

المشاركة الأصلية كتبت بواسطة المسكت

خربطلي وتستمر الحياة

اقلك الله يلعن ابو الواسطه اللى خلتك تكتب لنا من لندن

المسكت

اسعدني حضورك وبلاشي حسد
ههههههههههههههههههههه

..........................................تحياتي

يعطيك ربي العافيه
ومشكور على الطرح المميز والأكثر من رائع
في إنتظار جديدك القادم بشوق
تقديري واحترامي

المشاركة الأصلية كتبت بواسطة يــــمكـ دروبـے

يعطيك ربي العافيه
ومشكور على الطرح المميز والأكثر من رائع
في إنتظار جديدك القادم بشوق
تقديري واحترامي

يــــمكـ دروبـے

اول مرة اشوفك فمرحبا الف مو في المنتدى في متصفحي بس
ع شان ما يقول المدير ليش تتلقف ههههههههههههه
اسعدني كثيرا مرورك وثنائك الشيق وهذه شهاددة نعتز فيها
.................................................. .................تحياتي

لا أنكر وجود بعض المثقفين الذين يمطون الكلام فتجد كلامهم كله جملة واحدة ولكنها تكون سطور

لكن أنا أحبذ أن يكون الإنسان مثقف وكلامه موزون ليس رياء ولا نفاق ولكن طالما أنت تملك الكلام الجيد لماذا لاتتحدث به ثم من هو الذي لم يصبح مثقف فالتقنية جلبت الثقافة من كل مكان إلى داخل بيوتنا لماذا يبقى الإنسان جاهل طالما هي موجوده أسباب التعلم
ومع ذلك لازلنا لم نبلغ من العلم شيء ولكن الإنسان يحاول أن يطور من نفسه وينتقي كلماته ويرتقي بأسلوبه فأنت تعيش عالم واسع الإمتداد وأصبح العلم مطلوب والثقافة مطلوبة فضلاً على أنها مطلب شخصي يحبذه الإنسان لنفسه

بارك الله فيك

تقديري