غزال المحمية

الله اكبر يا غزال كان في المحمية
عاد في روس المتالف كن ماله والي

يعترص مارد نظره والمشاعر ليّة
ولا درى وشهو رصاص القانص المحتالي

ينظر حتى تفاجئة الذخيرة حية
من لسان اللي صرفها من العيار الغالي

ضربها يفرق عن البلجيك والنارية
لا ضرب نقّالها الاول يموت التالي

ماشراها الاّ فطين وجات له عالنية
مادفع من شان يجلبها كثير المالي

دامني في الشمس متعني وهو في الفية
والله ما ارد العلوم اللي تجي في بالي

واني اكوي واتصرف وين احط الكية
ليه مدري ويش جاني ويش حصلي ويش جرالي

يمكن انّه يوم انا في الديرة المنحية
وانت في روس الجبال وفي مكانٍ عالي

ياغزال ارحم بحالي ورد نظرك فيّة
لايجي لك ضربةٍ من القانص القتالي

الرادار
صح لسانك
قصيده جميله ولذيذه

يعطيك العافيه

الرادار

صح لسانك وطاب حالك

قصيدة قمة في الروعه

بحق انت مبدع

لا هنت ولا تحرمني جديدكـ

كل الود .,,