ودي بوصلك وانت لاشك تدري !!!!!!!!!!!!!!!!

مما نظمت :
. . .
. .
.
ودي بوصلك وانت لاشك تدري
والظاهر انْ مالك على الوصل نية
.
جاني العنا من بعد غيبتك بدري
نار كوتني داخل القلب كية
.
من كثر ماجرحي توغل بصدري
اصبحت انا للحزن درب ومطية
.
احاول اتصبر و ياطول صبري
عز الله ان البعد همْ وبلية
.
احس انا حبك مع الدم يجري
حتى سكن في كل عرق وخلية
.
اتذكرك في كل حرفٍ بشعري
وفي كل بيت اكتبه تطري عليّه
.
واتذكرك في وقت فجري وعصري
ويجيني الزلزال وقت العشية
.
اواه منك . . اخذت عقلي وفكري
وسرقت مني كل لحظة هنية
.
ان كان صدك ( شك ) ياكل عمري
فعز الله ان هذي قوية قوية
.
وان كان ما تبغاه وضعي بقبري
فلاشك من صدك باذوق المنية
. . .
. .
.
شعر /
راجي الوصل

راج ـي الوصل .."
ودي بوصلك وانت لاشك تدري
والظاهر انْ مالك على الوصل نية
.
تكفي عن الباقي ..
دمت بخ ـير ودآم عطائكـ .."
إح ـترآمي .."

راجي الوصل


يا زينه اللي نظمته وقلته

قصيده رائعه تسسلم يمينك عليها

راجي الوصل

صح لسانك وسلمت اناملك
والله قمه ماشاء الله تبارك الله ..

لاعدمنا هذه الشاعريه
وياراجي الوصل لا تحرم منتدى بني عمرو وصالك ..

تقديري لك ياغالي ..

ان كان صدك ( شك ) ياكل عمري
فعز الله ان هذي قوية قوية
.
وان كان ما تبغاه وضعي بقبري
فلاشك من صدك باذوق المنية

راجي الوصل

تنير منتديات بني عمرو من حين الى آخر بتواجدك العذب ..

ويزداد النورُ نوراً في قسم الشعر حينما تنثر لنا أجمل الابيات واقربها الى المشاعر والقلوب ..

اتمنى ان ارى الجديد هنا دوما ... فأنا من أشد المعجبين والمتابعين لقصيدك الجزل


إحترامي