الفزعه يابنات اخوكم في ورطه

السلام عليكم ورحمة الله وبركاته

كيفكم

صراحه انا جايكم وكلي امل تساعدوني

انا عزابي

وبرى المملكه << يعني مافيه اكل زي الناس كالعادة

المهم

انا لي تقريبا اسبوعين ابي اسوي كبسه ماعرفت

مرة يطلع غرقان

ومرة يطلع محروق

ومرة يطلع حب

ومرة يطلع الدجاج مانضج

المهم حوسه خلوها على الله

وكل يوم امي تشرحلي على الجوال
واذا قلت مازبطت تجلس تصارخ على وتقول رح خذ شوايه << تحسب بالسعودية الله يحفظها لي هههههههههه

ابي منكم طلب

ابي فارسه منكم << اخس يالشايب

تشرحلي كيف اسوي كبسه ...

بشروط << شين وقوي عين

مو شروط بس ماعندي قدر ضغط
يعني قدور عاديه

ابي كل شي بالتفصيل

يعني كيف اقيس الرز على عدد الاشخاص
لاني اطبخ وانا جوعان احط طن رز وفي الاخير ينحرق ويروح للزباله << الله يعزكم

وزنيه الرز

ووزنيه المويه

وكم الوقت

وكيف اسوي بالنار قويه ولا ضعيفه

المهم كل شي بالتفصيل

اشكركم مقدما
وان شاء الله يارب تردون علي وتكسبون اجر<< حركات

اقولكم سر << صراحه استحيت مابغيت انزل الموضوع يعني لااحد يضحك علي


اخوكم السفير الصغير

كل الود

اخصرك من البنات.....ولا وحده تعرف تسوى قهوه؟
دور تلقى لى موضوع عن كبسة العزابيه.......يمكن يفيدك....ولا تضحك.....وعلى العموم هو فى ذاالقسم
بس ناسيه ...

مالي حيل ادور

وانا اشهد ان البنات هنا كل ابوهم كفو وراح تشوف من الردود والصور والحركات<< لاتحطموني

واذا قطعت الامل رحت دورت

رفعته لك يا كسول
وشائق الرجال .......اسئلهم عن الحلى وبس......واسماء حلى والله مانعرفها....

اول شي جهز كل اغراضك يعني طلع القدر وغسله طيب
وجهز لك مويه في الغلايه
جهز التالي

حبة بصل متوسطة وقطعها
حبة طماطم متوسطة مقطعة
2 او 3 ثوم مقطعة
ربع حبة ليمونه مقشرة
فلفل اخضر رومي واذا تحب الاكل حار قرن فلفل اخضر حار ممكن تستغني عن الخطوة ذي
2 او 3 ملاعق اكل زيت
ملعقة بهارات مشكلة اذا مافيه جيب 5 حبات هيل وعودين قرفة
1 ملعقة صغيرة معجون طماطم
1 ملعقة اكل ملح اوحسب ماتحب

اول شي حط الزيت على النار وحط البصل مع القرفة والهيل واذا بتحط فلفل ضيفه مع البصل
اذا بدا البصل ياخذ لون او حط ربع الليمونة وحركه شوي بعدين حط الطماطم والمعجون
حركها على النار وخلها شوي بعدين حط لها فنجان شاهي مويه علشان تذوب الطماطم

بعدين حط الدجاجة طيب وبعدين حط عليها المويه المغلية تقريبا تغطي الدجاج اذا كان قدر ضغط سيبه على النار ربع ساعة
اول خمس دقايق النار عاليه بعدين اذا بدا القدر يصفر قصر النار واحسب لها 10 دقايق
اذا كان القدر عادي حط مويه وكثر علشان ماتنشف المويه وتحترق الطبخة وغط عليها وسيبها تغلي لمدة ثلث او نص ساعة

نجي هنا للرز اذا كان موجود عندكم كاسات الجبنة الصغيرة زي بوك او المراعي خليها عندك للقياس
واذا مو موجود ممكن تاخذ لك كوب الشاي
تحسب للنفر الواحد كاسة اوكوب يعني اذا انت لوحدك حط كاسة اذا انتم اثنين كاسين ....الخ

غسل الرز مزبوط يعني 4 او 5 غسلات بالمويه بعدين حطه في طاسه وخليه يتنقع ربع ساعة
مو اكثر بعدين اذا عندك مشخال حطه فيه وانتظر لين تنتهي الدجاجة

الحين استوت الدجاجة طلعها من القدر وحطها في صينيه الفرن ودخلها الفرن تتحمر
بعدين جيب مرقة الدجاجة وصفيها بالمشخال في قدر او طاسة ثانيه هاذي الخطوة مهمة كبداية
بعدين اذا تعودت على الطبخ تستغني عن الخطوه هاذي طيب

الحين حط الرز في القدر واذا فيه قدر اصغر تكون احسن
وبعدين ابدا حط من المرقة حقت الدجاج اللي صفيتها لين تغطي الرز يعني تقريبا بواحد سم

شغل عليها النار وتكون النار عالية الين تلاحظ انه المرقة بدا تغلي
جيب ملعقة وحرك الرز مرتين وقصر عليه النار وجيب غطا القدر وسكر عليه

واحسب له من 5 الى 7 دقايق وشيك عليه بين فترة وفترة ولاتنسى الدجاجة اللي في الفرن

ملاحظة

اذا تحب الزر نثري زيت كميه الزيت اشوي
اذا تحبه لين شوي اومعصود زيد المويه

اتمنى اكون افدتك واذا فيه شي مافهمته قووول

كفو والله ياليالي تسلم يدينك ,, والله يعينك يالسفير على الغربه

اذا جربت الطريقه وضبطت وحبيت تجرب بعدها الكبسه الدماميه لايردك الا الكيبورد

بس ماشاء الله طريقة ليالي شكلها لذيذه

شكرا ليالي وبكرة نجرب ان شاء الله
ويارب تزبط

من فين له فرن ومن فين له مشخال مدرى مذاهو واذا عنده فرن النار الى فوق ولا الى تحت
...وربع ليمونه مقشره...ليه مو نص وليه مقشره و كيف نقشر الليمون....وش يسوى فى الربع ولا الثلث ساعه وكيف يغسل كل ماهنيه
وقلى انت ياسفير كيف بتشترى قرن فلفل؟ وش تقول للبياعين<<<<خخخخخخخخخخخخ حلوه بياعين

كفو والله ياليالي تسلم يدينك ,, والله يعينك يالسفير على الغربه

اذا جربت الطريقه وضبطت وحبيت تجرب بعدها الكبسه الدماميه لايردك الا الكيبورد

بس ماشاء الله طريقة ليالي شكلها لذيذه

جمانه الله يخليك وماعليك زود
وجربيها وبالعافيه على قلبك واذا عجبتك علميني الكبسة الدماميه

شكرا ليالي وبكرة نجرب ان شاء الله
ويارب تزبط

السفير
العفو وان شاء الله تزبط واذا مازبطت فيه طرق ثانية

بس ياليت تقول وش اغراض الطبخ الموجودة او المتوفرة عندك علشان نسهلها عليك كمان

المشاركة الأصلية كتبت بواسطة ليالي جنوبية

السفير
العفو وان شاء الله تزبط واذا مازبطت فيه طرق ثانية

بس ياليت تقول وش اغراض الطبخ الموجودة او المتوفرة عندك علشان نسهلها عليك كمان

جاري الطبخ ...<< عيونه دمعت من البصل

من فين له فرن ومن فين له مشخال مدرى مذاهو واذا عنده فرن النار الى فوق ولا الى تحت
...وربع ليمونه مقشره...ليه مو نص وليه مقشره و كيف نقشر الليمون....وش يسوى فى الربع ولا الثلث ساعه وكيف يغسل كل ماهنيه
وقلى انت ياسفير كيف بتشترى قرن فلفل؟ وش تقول للبياعين<<<<خخخخخخخخخخخخ حلوه بياعين

اللي يسرها وسهلها عليك
ان شاء الله يييسرها ويسهلها عليه

السفير

وش صار على الكبسة زبطت معك او لا

الحمد لله
الله يجزاك خير

الله يعينك على الطبخ بدون قدر ضغط ..كان اخذته معك احنا لما رحنا لبريطانيا خذنا القدر معنا..صح يمكن يحسبونه عليك بس عادي تدفع شوي وبتستفيد كثيير اذا بطول طبعا؟؟\