............يوم... في... حياة... منسم...............

في يوم من ايام مراهقتي السعيده قدر الله علي وارسلني ابوي اجيب له دخان



واعطاني مفتاح الدباب ( سياره سوزوكي لها حوض وتتكاثر في الطايف) وقال : لا تتا خر



قلت له وبصوت ثقيل وخشم مثل خشم عبدالله سليمان ( التماسيح بيفهمون ليه ): ان شاء الله



( ارسلني الساعه 4 عصر ) <== بعدين تعرفون ليش ذكرت الوقت




نزلت بالدباب البقاله اللي في الحاره وكانوا العيال متجمعين عندها وقفت ونزلت وسلمت عليهم


وقالوا : ما دريت؟



قلت : وش السالفه ؟



قالوا : يقول ماجد المقاطي ( كبتن الحاره الثانيه ) والله ليفشخك كباري لو تلعب معاه



بحكم اني كنت فتيت الحاره يعتبر كلام كبييييير واهانه عظيمه



قلت والغضب يتملكني : يالله يا شباب اركبوا الصندوق خلونا نروح نكسر روسهم وسط حارتهم



طبعا الشباب ما صدقوا خبر بيفلونها بالصندوق قالوا يالله



ذهبنا حارتهم ووجدناهم متجمعين وسط ملعبهم وكان ماجد موجود


قلت لماجد : مين اللي يتفشخ كباري ؟؟؟؟؟؟؟ والله لاخذك شوارع الحين


قال : الحين نشوف


بدات المباراه ولعبت فيها كما لم العب في حياتي والدليل اظافير رجلي ونص من اصبعي الكبير باقي موجوده الى اليوم


وكان في خط دفاعهم شخص اسمر ( عبد وكلنا عبيد لله ) اسمه : عبود , وكان يكبرنا عمرا وحجما , يتحرش باحد


لاعبينا الشجعان ( بحكم انه كان مزيون شوي ) طبعا اخذتني حمية عيال حارتنا ورحت لعبود


وقلت : يا ورع العب زي الناس وخل حركات البزرنجيه حقتك ( مسوي قوي)


عبود : مين الورع ؟


قلت وبكل هرطه : انت الورع ( ويا ليتني ما قلتها )


جاني البقس يمشي خمسه الاف كيلو في الثانيه , وبحكم اننا في حارتهم ويفوقوننا عددا ( وحجما ) طالعت يمين ويسار


فما رات عيني سوى غبار رجول عيال حيارتنا ( اسحب كلمة شجعان )


سلمت نفسي للامر الواقع وعرفت اني باكل اقوى فرش في حياتي


حاولت اني اقاوم ولكن لا حياة لمن تنادي ولكن من حسن حظي انه كان وقت اذان وجاوا الشيبان فكوني منهم


رجعت الى البيت استشيط غضبا من عيال الحاره اللي ما وقفوا معي


وعند اقترابي من البيت وجدت ابي امام الباب يتدرب كونج فو


فنزلت من الدباب وقلت لابوي : وش فيك واقف ؟ ( مسوي بريء )


ولم يتفوه ابي بحرف واخرج من وراء ظهره لي كهرب نص قطره مترين


فانطبع على جبيني صورة مالبورو ابيض وعرفت اني بانفرش فرش اخس من الاول





وطبعا انفرشت وذهبت لسريري ( تكفى ياللي كان عندك سرير ) ونمت نومه جميله لو انها تخلو من صورة البقس


حق عبود ولي الكهرب


ذهبت الى المدرسه وكان الخبر قد انتشر , وكانت النظرات تتوالا علي فعرفت انه لابد من استرجاع هيبتي وكرامتي
امام المدرسه



كان لي صديق عاطل وعربجي وجهه تقول كشكول من المضاربات

ذهبت اليه وقلت : لك ولا للذيب

قال : يخسى الذيب


قلت : ابي فزعتك


قال : تامر على الرقبه


قلت : عبود الخال نبي نلعن خيره


قال : تم اليوم عصر عند بقالة مشتاق ( بقالة الهندي اللي في الحاره )


مرت الساعات وكانها سنين


حان الموعد وجات الفزعه بسيارتين مليئه بذوي الوجوه المرعبه والاجسام الضخمه
‘

‘

‘

‘

‘

‘
‘
‘
‘
ترقبوا الجزء الثاني من يوميات منسم ( حصريا عند مـــــالــــك الـــــود )

قصه رائعه علقتنا فيها جالس انتضر الجزاء الثاني (بسرعه لاتلطعنا)

تقبل تحياتي بحر

مالك الود&&قصه رائعه من ذكريات أروع*** جميل أن يكون في الذكريات شي يستحق أن يذكر
ننتظر البقيه بشغف

تحياتي &&أختك جرح الذكريات

كمل ...كمل

ذكرتى بالقرشان

مشبهه عليكـ الظاهر من عيال الحارة >> بالطايف؟

هــيّــا خليكـ ما تكمل الجزء الثاني أنا اللي بأرفسكـ >>> وحده ما تعرف تنتظر


مشكوووووووووور على ذكرياتكـ

بحر

مشكوووور على المرور وابشر بالجزء الثاني والثالث

لكن الثالث بيكون نصب<=====

جرح الذكريات

كل انسان لديه في دنيته حلو الذكريات ومرها

ولكن لنعيش يجب ان ننسى بعضها ونتمسك بالجميل منها

لان الذكريات المره تقلب المواجع وتسبب قرحه في المخ





مشكوووووووره على مرورك وتقبلي خالص تحياتي

capitano



ههههههههههههههههههههههههههههههه
هههههههههههههههههههههههه


الله يعطيك العافيه ومشكور على المرور

LAMA

هــيّــا خليكـ ما تكمل الجزء الثاني أنا اللي بأرفسكـ >>> وحده ما تعرف تنتظر

باسوي لك مجلد لكن الا الضرب الله يرحم والديك


كفايه اللي جاني


سانكويك فري متش على المرور


مع تحيات \ معذبهم < ===== ناسي اسمي

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه وربي انك رهيب
مشكور
طلوووووووووووووووووووولي

طلووووووووووووولي

الله يعطيك العافيه




بعدين لا تغلط .... والله انك انت الرهيب

ههههههههههههههههههههههههاي يالله نحتري الجزء الثاني يا مشبب

انشا الله تسترد ما بقي من الكرامه في الجزء الثاني
تقبل مروري