<%%%>( حــاجـة الـنـاس لـلـنـاس )<%%%>

يالله ياللي خالقٍ كل الأجنــــــــاس = حقق لي المطلب بفتره وجيـــــــزه
وألطف بحالي قبل ما ينحني الرآس = ويطيح قلبي من مثبّت قـفـيـــــزه
وأطلبك تغنيني عن اللي بلا إحساس = اللي تعنّزته ولا هو عـنـيــــــــــزه
والله ما أصعب حاجة الناس للناس = وخصوص لأصحاب النفوس العزيزه
يقولها اللي من الدهر صابه إفــلاس= وكشف له المستور نفسٍ عويـــــــزه
وأيامنا لامن غدت كلها إعبـــــاس = يضطر راعي الخدر يرهن معيـــــزه
وبعض المواقف هولها يجلب البأس= وبعض الخلائق ما يساوي بريـــــزه
وقت السعه تلقاه جنبك بمقيــــاس = وإن باح مالك ما يسلفك بـيــــــــزه
لكن ميلات الزمن يكشف الســاس = والمعدن الطيب عليه الركـيـــــــــزه
وأصحابنا ما بين صادق وهـــلاّس = وإن جاء نهار الفزعه أصحاب فيــزه

غرمان بن عزيز صح لسانك والله يعطيك العافيه ويقويك على قول الحق

لكن ميلات الزمن يكشـف السـاسوالمعـدن الطيـب عليـه الركيـزه
وأصحابنا ما بين صـادق وهـلاّسوإن جاء نهار الفزعه أصحاب فيزه


الاخ غرمان صح اللسانك وبيض وجهك

ابيت ثمينه ولها مدلولها القيم

تقبل تحياتي بحر

الأخ الغالي / أبو ظافر . ألف شكر لمرورك الكريم وعساك تسلم والله لا يهينك 0

الأخ العزيز / بحر . ما أروع مرورك حينما تتكرم علينا بذلك فشكراً لك على هذا وعساك ستلم 0

الشاعر المبدع دائماً غرمان بن عزيز ..
صح لسانك ..
قصيدة رائعة وهادفة وذات مضمون راق جداً ..
لك التقدير ..

غرماان
الله يكفيك شر اهل الحسد والنميمه
ابيات تحكي مواقف
ابدعت وكلك إبداع عزيزي

لاهنت ولك جُل إحترامي

اخوووك

أبو ريان الله يسلمك ويعطيك العافيه وشكراً لمرورك الغالي يا غالي وتقبل أرقى التحايا 0

أخي العزيز الغالي / المسكت . أسعدك الله مثل ما أسعدتني بالمرور الكريم وعسا ذخر ولا خلى ولا عدم 0