يرثي نفسه قبل الموت؟؟؟

هذه الرائعة للشاعر مرشد البذالي رحمه الله قالها عندما دنت منه المنية

يا احول أظن الحق جتنـي طروشـه=جتني مطاليبه وأنـا عنـه منحـاش
اليوم كـن بداخـل الجـوف هوشـه=ويا اللّه بحسن الخاتمة عند الأقـراش
دنياك لو تعطيـك زيـن المعوشـه=تالي سوالفهـا تعـود علـى مـاش
ياما خذينـا بـأول العمـر شوشـه=وياما مشينا مع مظاهيـر وادبـاش
في خايـع وبـل الثريـا رشوشـه=نجني الزبيدي في صحاصيح وادشاش
وياما جلسنا مـع مـرودع نقوشـه=في سهلة مـا حدرنـا زل وفـراش
في وسط روضٍ مخضرات خفوشـه=نبته جديد ومبعديـنٍ عـن الطـاش
واليوم مالي مع هل الصيـد نوشـه=عطيتها غيري بـلا سـوم ببـلاش
عند الطبيب وصار عنـدي وحوشـه=أمن الإقامة صابني خوف واخـراش
هالحين شفني قاعـدن عقـب دوشـه=أصلب أعضاي وكن بالجسم هشهاش
خليـت ديوانـي ومجـلاس حوشـه=عقب المعـزة ساكـنٍ دار الإنعـاش
والنفس ضاقت عقب ما هي بشوشـه=مثل المقيم اللي علـى نـو مطـراش
امطـرفٍ بالبـاب قشـه ونـوشـه=ينطر خويه بيـن هجـده ومغبـاش

رحم الله قائلها
وتكفون يا أهل التنسيق نسقوها لا هنتوا

عقيد القوم


سلمت ولاهنت
الله يعطيـك العافيـه
نقل موفـق وإختيار رائــــع
رحم الله قائلها وسلمت يمين ناقلها
فـي إنــتــظـــار مشاركاتك يا غالي
تقبل أطيب التحايـــــا

المشاركة الأصلية كتبت بواسطة سيــف العرب

عقيد القوم


سلمت ولاهنت
الله يعطيـك العافيـه
نقل موفـق وإختيار رائــــع
رحم الله قائلها وسلمت يمين ناقلها
فـي إنــتــظـــار مشاركاتك يا غالي
تقبل أطيب التحايـــــا

الأخ سيف العرب
بيض الله وجهك على التنسيق
ولا هنت على المرور
تقبل تحيات أخوك

تقبل تحياتي ياخال على هذا النقل
بيض الله وجهك في الدنيا والآخرة .
لي طلب بسيط لك مجاراة مع شاعر
ودي تنزلها على هذا المنتدى الراقي
اذا ماعليك كلافة... لك الورد.

المشاركة الأصلية كتبت بواسطة الحجاب

تقبل تحياتي ياخال على هذا النقل
بيض الله وجهك في الدنيا والآخرة .
لي طلب بسيط لك مجاراة مع شاعر
ودي تنزلها على هذا المنتدى الراقي
اذا ماعليك كلافة... لك الورد.

هلا وغلا ولا هنت على المرور
طلبك على العين والراس
رغم والله أني ما عرفتك تقول لي خال وأنا واثق تمام الثقة أن أكبعيال أختي في سنتين ولكن
قد يجوز
عموما على خشمي فالك السفر
تقبل تحيات أخوك

لاهنت لاهنت لاهنت

الله يعطيك الف عافيه
لاتحرمنا من جديدك
فالك الطيب