بيت القصيد وأبو عابد في محاورة مسنجرات

أسعد الله جميع أوقاتكم بكل خير

هذه محاورة جرت بيني وبين أخي العزيز بيت القصيد على المسنجر ( ودنا ننسى هزيمة المنتخب ) وأستمرت قرابة الساعة من ليلة أمس وحبيت أن أنقلها لكم

البدع ... أبو عابد=
الوعد عندي بدقني واللا بالشارب=
مقظاه لازم مثيل الزاد والشارب =
أوفي ولاني منه شارد ولا هارب=
والنار ما تحرق إلا رجل واطيها=
...=
نحمد الله ما وردنا الخطاء والا الشروه=
إن وعدنا نوفي العهد لو نسكب دمانا =
في زمانٍ صار صداق ذا يوفي لها=
الرد ... بيت القصيد=
الي ما يعذر خويه عايب(ن) خايب=
و انا تعذرت و ان شاء الله مني كاذب=
و لاني بهارب من اشباب(ن) و لا شايب=
و النارماتحرق الا رجل واطيها=
...=
ربعنا باعو الخطا و الوفا قدهم شروه=
ليش نهرب روسنا و الصدر و الكبد امانا=
غابة يحكم اسده و يامن فيلها=
البدع ... أبو عابد=
ماهي بمرة ولا ثنتين ياالصادق =
تبطي ولا كنك أنت إللي لنا طارق=
والله لو كان غيري كان قد فارق=
والنار ما تحرق إلا رجل واطيها=
...=
الجناه تبي تبراء من اللي قد جنوه=
والله ما تطلع من الحبس وأقضاب متانا=
حتى يفنى كل جهدٍ ويطمى حيلها =
الرد ... بيت القصيد=
الجو مرات صافي و مرة(ن) بارق=
و احنا لفينا نبي ننقذك يالشارق=
ابيك تتعلم من الدنيا و تتصافق=
والنار ما تحرق إلا رجل واطيها=
...=
انت تزرع زرعك و يجتنوه الي جنوه=
من متى و انته في الارض تمشي و من متى انا=
و الرجاجيل الي اتقدر اطماحي لها=
البدع ... أبو عابد=
بعض العرب ضايعٍ دنيا معا دينا=
ما يدري إن الخسارة في معادينا=
والماس ماهو يشبّه بالمعادينا=
والنار ما تحرق إلا رجل واطيها=
...=
يا حليل الوالد إلي مظامه من بنوه=
لو ربيته جات له عقدة وأصبح معانا=
وإن تركته ما عرف للحياة وميلها=
الرد ... بيت القصيد=
انهج مع الخير لا تنهج مع الشينا =
حنا نعشيك دايم ما تعشينا=
و اهديتك الرتبه و كل النياشينا=
و النار ما تحرق الا رجل واطيها=
...=
يا حليل الي بنو ثم هدو ما بنوه=
و الله ما يلقون منا فزوع و لا معانا=
و الشيوخ العاليه روسكم توميلها=
البدع ... أبو عابد=
كم جيتنا تطلب الخيرات وأعطينا=
والله ربي بيعطيكم ويعطينا=
لكن لا تخلط السبخات مع طينا=
والنار ما تحرق إلا رجل واطيها=
...=
قصرنا ما ظامه إللي بحصياتٍ رموه=
ما طلبنا العون من ذا بيدسس ورانا=
والعلوم الهينه ما خلق راسي لها=
الرد ... بيت القصيد=
كم مالمدايح فلا اثبات(ن) و لا ادله=
و الكذب في البعض صار اسلوب(ن) او دله=
لي صاحب(ن) ضايع و كم لي و انا ادله=
و النار ما تحرقالا رجل واطيها=
...=
البعض قام ايتنكر من ارجال(ن) حموه=
ما نراه ابعيننا حتى لونه يرانا=
و الفتن تبغى القوي الذي راسي لها=
البدع ... أبو عابد=
علمو ذا ما درى ويش حنا علموه=
إن نجم سهيل جنب الثريا في يدانا=
ما نشابه قوم محدٍ ترجا جيلها =
الرد ... بيت القصيد=
يحتزم بو زيد غير النشاما علموه =
بالسيوف الصارمه يوم منطوقه يدانا =
و ابعض العالم ما برجع لها و اجيلها=
البدع ... أبو عابد=
أقدر أشل الجبل وأقدر أهده بأخوه =
وأقدر أخرس كل شاعر تمادا في لسان=
غير لا شفت الضعيفة خجلت أقوي لها=
الرد ... بيت القصيد=
راعي الكذبات قبلي النشاما و بخوه =
و انا ما اصافح ردي العرب و الفيلسنا =
ما نرد الوجه فيها و لا اهقوي لها=
البدع ... أبو عابد=
أحذر من النار لا شفت فيها شر أحوه =
في البوادي تسرح البهم وأسراب الحظانا =
والسباع على مشاريفها تعوي لها =
الرد ... بيت القصيد=
كن قاف ما هو ابلك و قبلك شرحوه =
استلف من الناس و احنا نحاظي من حظانا =
و انا ما ني رب قوم(ن) بدى تعويلها=
البدع ... أبو عابد=
قاف جمل صاحبه بينما قافٍ يشوه=
ليه نتسلف مدام الرصيد لنا ملانا =
السلف للي على حالته نبكي لها=
الرد ... بيت القصيد=
قافكم مطروق من قبلكم يالي وشوه =
هذي عادتك و عادة صحيبك بو ملانا =
ترقص الحيه و تهتز من دبكي لها=

ابوعابد تسلم انت وبيت القصيد على هذي المحاورة الطيبه ولا تحرمنا من مثل هذة المحاورات وعساك سالم