#### ( هذي على شآنك يا أبو شوق وأخوانك ) ####

بدينا بذكر اللي أمرنا بشـهـر الـصـــــــــوم= نصوم النهار ونفطر الليل ســبـحـــــــانه
وانا احمدك يا ربي على كامل المقســــــوم= ولو قصر المقسوم ما أيأس على شــآنه
وإن جارت الدنيا على عبدك المحــــــــروم= فلا تحرمه يا رب من شوف ورعـــــانه
وفرج همومي قبل ما أصير انا المهمــــوم= وتصبح حياتي دائم الدوم مـرضـــــــانه
فلا فيه مخلوق ابد من الخطأ معصــــــــوم= وكم مسلم ما غربله غير شـيـطـــــــــانه
وكم واحدٍ سرّه كما الحاوي الـمـخـتــــــوم= يسولف مع العالم وهو وسط نـيــــــرانه
ولـكـن اذا قـابـل خـويٍ يـســد لـــــــــــزوم= تهون الهموم ويبدي الوقت بـرهـــــــانه
خويٍ ولد خاله وطبعه قوي عــــــــــــزوم= ويشـهد على فعل البطل كل مـيـــــــــدانه
له الطيب منسوبٍ من الوالد المرحـــــــوم= عرفناه ابو ســياف والطيب عـنـــــــوانه
وانا ودي ارسل له سلامٍ يجي مرســــــوم= سلامٍ على ابو شوق ياصله وأخــــــوانه
ســلامٍ صحيحٍ صـادقٍ ما يجيه اللـــــــــوم= وصافي كما صافي العسل عند رعيـــانه
عداد السنين وعد ما في سماها نجـــــــوم= وعد الســحاب وعـد مـا هلّ هــتــــــــانه
اقوله وانا صـادق ولاني زعيم الــقـــــــوم= ولـكـن يـشــهـد للفـتى قــول جـيــــــرانه
وفي الخاتمه صلوا على الهادي المحشوم= عداد ما خلق في البحر لؤلؤ ومرجــــانه

صح لساانك يا ابو محمد
والله يعطيك الف عافيه
تقبل أطيب التحايــــــــــا

صح لسانك يا شاعرنا
وابو شوق والنعم فيه واخوانه
تقبل خالص الموده
ابو عبدالله

له الطيب منسوبٍ من الوالد المرحـوم =عرفناه ابو سيـاف والطيـب عنوانـه

الله يرحم والده

ويبارك في بوشوق واخوانه احفيانا وابناء عمومتنا

صح لسانك اخوى غرمان مليووووووون ومايكفون وبونسب يستاهل

تقبل فائق احترامي

اخوك .............................. الساهر

صح إلسانك يا غرمان بن عزيز
ونتمنى لك التوفيق دوم

صح لساانك يا ابو محمد
والله يعطيك الف عافيه
تقبل أطيب التحايــــــــــا

صح لسانك ياغرمان ويستاهل ابو شوق وأخوانه
والله يديم الوفاء والمحبه

صدوق المشاعر في المواقف قوي عزوم= يعبر بصدق وعزته قوة ايمانه
يصيغ القوافي والحكم حبكها منظوم= وتلقى جمال الوصف في نظم قيفانه

وتقبل اجمل تحيه
وجميع الاخــوان
اخوكم
السااااااااري

ابو محمــــــــــــــــــد

.

شاعر .. مع مرتبة الابداع .. والشرف,,

.

استمتع بالقراءة لك ,,

.

فسلمت يمينك .. وصح لسانك ,,

.

بقايا عاشق

أخوان الأفاضل :-
سيف العرب / الله يعطيك العافيه وشكرا لمرورك الطيب 0
صالح آل سلمان / الله يسلمك ومشكور على مرورك الكريم 0
سيف الساهر / عساك سالم وغانم وشكراً لك على هذا المرور الطيب يا أطيب الناس 0
العذب / شكر لك على هذا المرور الطيب 0
الغراني / الله يسلمك ويبقيك وشكرا لك على المرور الكريم 0
الساري / سلمت يمينك وشكرا على هذه الأبيات الجميله والرائعه وشكرا لمرورك الطيب 0
بقايا عاشق / لاهنت عساك سالم وغانم وأشكر لك مرورك الطيب 0

الأخ غرمان بن عزيز
مشكووور أخوووي
وكل يوم تفاجيئنا بشئ جديد وإبداع جديد...
وصراحه أبو شوق وأخوانه يستاهلون كل خير والنعم فيك وفيهم ..
وكلامك بمحله .
وتقبل تحياتي

أخـــــــــوك
ddfrad") ddfrad") ddfrad")
جـــــــــريـــح زمــــــانه
ddfrad") ddfrad") ddfrad")

أخي العزيز / جريح زمانه الله يعطيك العافيه وعساك سالم وغانم وشكراً على مرورك الكريم 0