*****خــــمـــســـــة 0حــــــــــــروف *****

قالت وش أسمك قلت من خمسة حروف = مـا يعرفه كود الفتـاة الــفــطــيـــنه
اللي لها صيت مع النـاس مــعـــــــــروف = وأخذت حلاة البدو وأهـل الـمـــديـــــنـه
قالت عرفتـك لكن الجرح في الجــــوف = ما ينفعه دكتور مجهـــــــول ديـــنــه
قلت أسمحي لي ما يكفيني الـشــــوف = ما يروي العطشان شــــوفه بــعـيـنـه
وأنا مع أهل الحب ينتابني الــخــــوف = مدري حياء مدري جـروحٍ دفــيــــــــــنــه
مره شـــجيع وبعض مرات مكســــــوف = كـني قـريـن خـاف طـعـنة قــريــــنـه
والحب فيه أنواع وأشكال وصـنــوف =والناس ما تعلم متى آخر ســـــنـيـنـه
والمشكله ماهوب عاسف ومعســـــوف = الـمـشـكـلـه في نـاس مـاهي أمــــيـنـه
ناسٍ تسمي راعي الحب مـلـقــــــــــــوف =والحب مثل الموج تحت الـســـــفـيـنـه
هذا الصحيح وما على الصدق مـحــلـــــوف = واللي بـقـي في داخـلي تـخـبـريــــنـه
قالت وش أسمي قلت أنا هقوتي ؟؟؟؟؟ = معروف عـندي والـسـبب تــعـرفـينه
أنا عرفت أسمك من أوصاف موصــــوف = وصفٍ يـضـاهي كل شيٍ بــعـــيـــــــــنه
يقلون ؟؟؟؟؟ اللي لها الشـــعر مـلـفوف= وإذا أنتثر على الصدر الله يا زيــــنه
واللبس لبس أهل الهوى ثوب مكلوف= واللـون لـون الـورد ومـطــرزيــــــــنــه
أمـا الـحـشـى يـقـلـون مـن جـدّ مـلـهوف = والرمش وان سـلهم يصـوب بـحـيـنــه
والـعـنق عـنق غـزيلٍ شــبه مـعـطوف = والـنـهـد تـفـاحٍ نبـت في الـجـنـيـنـه
والمبسم اللامع كما الؤلؤ مـصـفــــوف = وخدود بيضٍ كنها الـيـاســـــــمـيـنـه

ا

غرمان بن عزيز

صــح الله لساانـــكـــ
قصيـــدة من أجمل ما قرأت والله
الله يعطيــــك الف عافيـه وما قصرت
تقبل أطيب التحايــــا

مـره شجيـع وبـعـض مــرات مكـسـوف=كـنــي قـريــن خـــاف طـعـنــة قـريـنــه
والحـب فيـه أنـواع وأشكـال وصـنـوف=والـنـاس مــا تعـلـم مـتـى آخــر سنيـنـه

صح الله لسانك مليووووووووووون
والله يعطيك الف عافيه
لاتحرمنا من جديدك

فالك الطيب

أخي العزيز / سيف العرب أشكرك على مرورك الطيب وحقيقة كل ما يهمني ان تنال قصائدي إعجاب الجميع 0 تحياتي وأشواقي 0
أخي وأبن عمي/ الغراني الله لايهينك وعساك سالم وغانم ولكن عندي سؤال :-
أنا أبن العم صحيح ولا تمزح 0 الشكر لك موصول على كل حال 0

	الله عليك يارايع قصيده جميله ولاغرابه عودتنا دائما بالاحساس بالمتعه ونحن نشاهد ماتتحفنـا به من جـــــديد الله الله الله يعطيك العافيـــــــــــــه أجمل وأرق التحايا أخوك / الســـــاااري

أخي الساري 0 الله لا يهينك وشكرك لك على هذه العبارات الجميله وشكراً للمرورك الكريم 0