رسالة الوفاء القصمنجية لاختها بنوتي

هذي سلمكم الله الاخت الوفاء اتضح لنا مؤخرا انها قصيمية
ودائما ترسل لبنوتي بس بنوتي تجاملها لان الاخت بنوتي ماتدري وش اللي مكتوب بالرسالة
وترسل لها بعض من الماكولات علىانها فهمت الرسالة وهي والله ما تدري ويت الله موديها

وخيتي بنوتي
السلام عليكم ورحمه الله وبركاته..وبعد

رسالتس اللي كزيتي وصلتن وفرحت به.. وكثر الله خيركم على المقطع والغدفه

اللي كزيتي لي.. وابشرتس ان اخبارنا تسرتس.. البقره اضنت,والبيض فقش,

والدجاجه الرقطا راجن, وإن دحيم اعرس, ونوير مخطوبه, وعويش فطمناه,

وسويره رفعناه من السقاط, وصويلح شراله دنانه, وسليم ختم المصحف,

إعزيز الصالح طاب من الطنان , وسند ولد مضيوي بدا يحبي , والحمدلله

طاب الجحام اللي بعينه,. وأنتي صاتزه حطينا عليه تبنه, وحصيصه طابت

إقطوفه اللي براسه , ومنيره مشطناه بورده,وام سويلم طلعت من الماجب

وتممنا لسويلم, والنعال الزنوبا اللي تخبرين عندنا هاك السنه رقعناه ..و

مقطع الروز خبناه.., والدوشق غيرنا قطاعته, والسفره الكبيره علقناه بالقبه

وحطينا بيت للرادو .., والمصحف حق عمي غيرنا ثوبه., والسراج زينا فتيلته ,

والزبيل مليناه حتات من إنخلتنا, وشرينا سحاره ولقيناه مكسوره, ..وبقولتس

إني مع هالحموله غاديتن حوسه, الطايه تخر, والمثعب منشق., والقتاله منقلعه

وباب الروشن منكسر .. والتسوله نستيه., وبريتز الغرش الصغير منقشع,

والله يهديتس يا بنوتي .. البزار اللي كزيتيه شوي الكركم به.., والمسمنه

تقل رماد ما به ليمون.., والفتيت مسري, والكليجا تقل عظامه.., وذا بغيتوا

تكزون شئ .. كزوا شئ يبل الريق.. ويواجه عند الحموله.. معكم علم إن حمولتنا

ناس نقاده.. وخالتي شراهة .. وعمتنا حقنه ما يجوز لها شئ مثل رقاص الساعه

.. وحريم عمومتنا صرت إثمنلهن.. وجذعانهم فرقاعين (اما هذه جد جد عجزت

افهمها ) شيبان كبرى يترددون علي هالجصة قضوا عللى النعمه تقل دبا..,

ونا ما ودي أطول عليتس الحتسي.. عسا ما يخليني منتس.. ولا من جناين

قلبتس , لاخلا ولا عدم وسلميلي عللى نفستس ومن يعز عليتس..

وأخص بالسلام مضيوي وفطوم وقوليلهم والله ما خلان أقصر عنوتي عنكم

وأشوفكم إالا أني عويجزة ولاصقة علي ظهيري وضليعاتي..

وما رخه كتوفي ورجيلاتي بالفقس .. ومعتس علم هالارياح يعودن بين

حين وحين ومع هالبراد صايلات علي .. يالـلــــــــــــه حسن الخاتمه

والعمل الصالح وسلمي وانتي سالمة.....


أختس الوفاءأم جديلة.....




حبي وتقديري للي ما احبه غيري... جبلووووووو

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه


جبلوو الدب
مافهمت شي هههههههههههههههه
ترجم الله يخلييك
صعبة ولله




بس بالامانة انته فاهم هههههههههههههههه



وفاية والله مش هينة تكتبين لغات هههههههههههههههه


















تسلم جبول

والله انا فاهم كل شي

لوماني فاهم ما نزلت الموضوع

واي استفسار انا حاظر

المهم

اول ما ترسل لك رسالة عطيني نسخة منها

<============== ناوي فضايح

تحياتي