العنــــــــــــــــــــــود

اعزائي هذه مشاركه بسيطه امل ان تحوز هذه القصيده على رضاكم واستحسانكم واعذروني على التقصير/ اخوكم برنس القوافي

العنــــــود اللي تنحت وانتحـــــــيت = ازعلتني بالخطا وازعلتــــها
شيمتي عيت وقلت ولا استحـــــيت = يوم زلت قلت ما جاملتــــها
ماصدقت ان قلت عن ولفي عزيـت = والله اني في خفوقي شلتـها
والله اني عن هواها ما سليـــــــت = بس اكابر لاجل كلمة قلتهــا
تمضي الايام واقف ماانحنـــــــيت = هامتي للهــــــون مانزلتهـــا
اتجلد لو مجعت ولو ضمــــــــــي = ولقمتاًماهي شرف مااكلتهـا
شارباً مر الجفا لين ارتويت = ليتنـــي باول لقا قفلتهــــــــا
ليتني صديت عنها ما شقـــــــيت = الخطا خطاي يوم امهلتهـــــا