الي شرف الإنتماء

كيبووووورديه

أعوذ بالله من عناء كل وسواس
رب خلق عاد وثمود وفناها

مني سلام كل ماهب نسناس
وعداد مالغيمه تقاطر بماها

سلام مطبوع على جال كراس
من مبتدا ابياتي الى منتهاها

على وجيه قدرها من على الراس
تستاهل المدحة وواجب ثناها

قوم لها في عالي المجد نبراس
من خلقت الدنيا ولا احدٍ ثناها

حنا رجال الحجر للمدح نوماس
مثل البروق اللي يلالي سناها

أربع قبايل ذكرها مثل الالماس
ينبيك من بيض الصحايف نباها

مجدٍ تليد وبانيينه على ساس
مرحوم ياللي ع الجمايل بناها

عروقها في الازد والعرق دساس
وكل شجره تنعرف من جناها

مقدامها عمرين لاشبّ مقباس
أسد الشرى فخرالديار وذراها

يشهد لنا أسطنبول من قبل مكناس
وتشهد لنا ليّه وساكن قراها

وأبني شهر للجود والطيب لبّاس
دار تباها بالكرم من غناها

وان قلت باللسمر لها العز مجلاس
قبيلة فوق العرب مستواها

وان جيت بللحمر مع حزة الباس
نار توقدّ ع المعادي لظاها

قبايلٍ ماهي كما باقي الناس
ديارهم ماحدٍ وطى في حماها

من قبل لانسمع بعنتر وجساس
وأحنا رمد عين الحسود وعماها

لأمجادنا في صفحة العز مغراس
يشوش راس الفارس اللي قراها

ماهمنا منطوق دايخ وهلاس
اللي علومه مارتقت من دناها

إن كان من حمالة الماي بالكاس
فالعفو مامشي في دروب السماها

وإن كان م اللي عطرها عبر الانفاس
فهذا علاج اوهامها وذا دواها

وأستغفر الله كل ماهب نسناس
اللي خلق عاد وثمود وفناها