أحاسيس مهموله

عذراً إذا القلب غيّـــر وجهـــــــــــــة ميوله
وهبّت رياحــه بمـــا لا يشتهي شراعك

إن كان بحـــرالهـوى مـــــاجــــاد لك لوله
فأحذر لا يغـــري سكـونه نزعة أطماعك

وإن صارت دروب وجهـــك عنك مجهوله
فلا تحــــرى السمــــاء تمطــرعلى قاعك

دام الأحـــاسيس فـــــي دنيــــــاك مهموله
والا مبــــالاة فــي العالـم...! من أطباعك

فــــإياك تشــــره علــــــى جهـّـال مخبوله
إشره على من عصى شور الملا وطاعك

وإن شفـــت بختك نصب فعلــــه ومفعوله
حــــاول تعيـد النظـــــر وترتب أوضاعك

فالـــدهـــر يــــومين والثالث مــــن يطوله
لا تبطر بفـــرحتك وأصبـــرعلى أوجاعك

أسمع كلامــــي وطــــاوع شـــــور بأقوله
بينـي وبينـك نصيحـه ...! قرّب أسماعك

أحزن علـــى مــن شـــــراك وقفّت حموله
لا تذكر اللـــــي شريت بغـــــــالي وباعك



ودمتم بخير وعافيه