هذاك انتي

[poet font="Simplified Arabic,4,white,normal,normal" bkcolor="black" bkimage="" border="inset,10,gray" type=0 line=200% align=center use=ex length=0 char="" num="0,black" filter=" shadow(color=gray,direction=135)"]


هذاك انتي


هذاك انتي بوسط الليل قمر يضوي مع نجمات
اشوفك بالعيون افااق طغيتي بالحلا والكيف

بريقك يجهر الساري ونورك يضوي العتمات
نشف ريقي من النظره وبعدك زادني تنشيف

هذاك انتي كتبتيني على خد الدموع اهات
وأنا راسمك بعيوني رسمتك للهوى تشريف

جنينا الورد والازهار وجمعنا الكرز حبات
تخاوينا وحبينا وخلـّـفنا الوفاء تخليف

ندم ..حيره مع فرقا ودمعـٍ حيّـر النظرات
وكوره في وسط ملعب تهدّف بالشبك تهديف

حبّست بداخلي عبره وساعات الفرح ماجات
أناظر ساعتي محتار مابين السهم وايا السيف

خيالك يا عنا أيامي تناثر حبرأو دمعاات
أبجمع لك عذرمنثوروأولف لك ولو توليف

وابجمع كلك الضايع وابنثر لك عنا ما فات
جمايلها مع النخوه ولا أشوف الكرم تكليف

بكيتك غربة أيامي بكيتك مثل شيء مات
وفيت ولا وفيتي لي حسبتيني بقلبك ضيف

تركتيني وبعتيني تركتي داخلي الحرات
حسافة ذبلت الورده باجففها لفصل الصيف

ياعل الروح ترجع لك وربك يغفر الزلا ت
مادام الحب باقي حي ولك في داخلي نبضات

بأعيش اتذكر الماضي وتذرف عيني العبرات
ابحيا لك على الذكرى وابدعي ربي التخفيف

لك الله يا دموع العين ماجفت ولا لحظات
ابندب حظي العاثر وموقف يرفض التحريف

انا ادمنت في حبك هويتك والهوى نكبات
شبع قلبي من الزلات ونفسى عافت التصريف

عجايب وش بهالدنيا أنا اعطيها وتطلب هات
وتاخذ بس ماتعطي سوى الاحزان والتخويف

خلاص اعلنتها توبه وبأستغفر على مافات
يفوت اليوم مع بكره ولا ينفعني التسويف

عزاي بحبك الذابل رحيلي وأبتعد بسكات
بأكف الدمع بيديني ولا ينفعني التكفيف


بقى من عمر حبي لك دقايق وأعتقد ساعات
خبصتي كل اوراقي قضيت الليل في تخويف

أ ببكي قربك الميت وأ نوح لحبي اللي مات
أبكتب لك حروف اشعار.. وجنوني وشيء تخريف

رميت الحب في بحرٍ بلاشط ولا موجااات
ومفتاح الخفوق ابعد على غيرك ابد ما شيف

دفنت اخلاص حبي لك بديره اسمها التنهات
وغمضت العيون وصحت رشفت الهم بالتجويف

رجاوي ضايعه وأمال ودموعـٍ على الوجنات
يرفرف بالسما طيري ودمعي وقفه توقيف

قتلتي طيري الوافي يغني لك وفجأه جات
رميتي سهمك الطايش تقطع نصّـفه تنصيف

وداعية يابنت النور ابكتبها على الساحاات
وباكتب جنبها الكاسر وأغطيها بزهر الريف

وفي لحظة توادعنا تنكس للهوى رايات
وأشوف عيون ذبلانه وعينٍ تنصدم وتخيف

وتذرف بالدموع احرف تشكل عالخدود ابيات
وترسم عالخدود ابيات عذريه بلون الطيف

ضحك من حالنا العاذل وقوم بالفرح حفلات
من الفرحه بيده ورد.. لك الله نتـّـفه تنتيف

حسايف ماتت الأمال وهانت عندك الوقفات
تبدل كل شيء عندك رساله في وسط تظريف

نسيتي او تناسيتي ترى لك بالهوى صولات
وواقعها أبد مانساه ولي في واقعك تعريف

انا ما انسى ابد ذكراك سنين العمروالجولات
هذيك ابكي لها دمعـٍ نزف واصيح انا ياحيف

خذيتي مني الفرحه وبدلتي الفرح حسرات
كويتيني بنار وجمر وبدلتي الهوى تزييف

ورود الحب ذبلانه خساره ماتت النبضات
دفنتيها بصحرا الهجر ودربٍ يطلب التوصيف

خلاص الوقت حان ابعد والم الجرح والوناات
جروح القلب زادت نزف ترى هي كم وألا كيف


من أشعار أخوكم الكاسر \22 \ 11 \ 1424 هـــ
[/poet]