متى يبتسم الحظ للعالمي ....

بدايةً أبارك للأصدقاء الهلاليين كأس ولي العهد بعد ضياع ركلتين ترجيح على النصر ..
كل فنون الكره قدمها النصر مع مدربه كارينو خاصة بداية الدور الثاني لدوري زين ومراحل كأس ولي العهد حتى صافرة النهايه البارحه وحالياً مربع البطوله العربيه الخساره البارحه بالترجيح لاتستحق الغضب شكراً للمدرب واللاعبين والاداره قدموا مايجب أن يُقدم وشاء الله أن تكتب بالترجيح للهلال ماحال الهلال لو النصر من تقدم فالدقيقه 117 ؟ لا أهضم حق الأشقاء الهلاليين فقد كانت مباراه قمه وحضور جماهيري مميز وخاصة من قبل الجمهور النصراوي فكل الأماكن كانت مشتاقه له وغطاها بالكامل .. شاهدنا ع أرضية الملعب أداء ممتع عمل فني توازن فالهجوم والدفاع إندفاع بحذر ارتداد شبه سريع هدف فالدقيقه 117 للهلال من ضربة جزاء حبست الأنفاس الدقيقه 120 تُلغي تفوق التقدم الأزرق بهدف مرسوم وصافي ي لبن .. بقي أن نحتكم لركلات أضاعت من منتخبات عالميه بطولة كأس العالم ( لا أقلل من أحقية الأصدقاء بالبطوله ) ولكنها الحقيقه ركلات الترجيح يلعب عامل الحظ دور كبير جداً فيها لأنك تلعب وآمال الحاضرين فيك فلاعب خبره قد يضيع ولاعب طامح قد يسجل ..
الف مبروك للهلال إبتسام الركله الأخيره لهم وهاردلك جمهور العالمي فلا زال النادي في طور العوده وهاهو يحقق مركز متقدم فالدوري ولديه 7 جولات متبقيه ويلعب مساء الاربعاء القادم في مربع البطوله العربيه وأمامه بطولة كأس الملك .. لاباس من العتب ولكن إنتهىت سنوات الغضب .. أول تمرين غداً للعالمي وسوف يكتض الملعب بالعشاق لفريق يعشق العوده للإضواء فالقريب العاجل بحول الله
أجدد التهاني للأصدقاء الهلاليين بالمنتدى وعبر كل وسائل التواصل الإجتماعي ..
لابس الأزرق ياسيد الملاعب
الشلهوب يشهد بالمصاعب
استحق الهلال كأس أصبحت ماركة زرقاء

غلا..ي

الله يبارك فيك و يسعدك و معروف ركلات الحظ

بس ليش ما كان هذا رايكم ايام كاس الملك الهلال و الاتحاد 2010

عدنان جستنيه يقول الاتحاد يرد الخماسية على الهلال و هي ركلات الحظ

حبيت اسالك عن الحارس النصراوي و هو يحاول يستفز الهلاللين في ركلات الحظ

حبيت اسألك عن تسجيل النصر للاعب اليوناني هذا مهب دلال هذي صارت اوامر على الاتحاد السعودي
هذا رأيي في الموضوع و ياليت اسمع رأيك عن نظامية التسجيل بعيد رأيي و غيره

الدلال يجر الدلال و السالفة تجر السالفة بس انكم دايم تقولون الهلال النادي المدلل
وش رايك انهم ما سجلوا بوليفار حتى دفع الهلال للنصر مصاريف التمرين حقت العازمي
اما النصر فمانسو قضيته واصله الفيفا و النصر يسجل
و الاتحاد مددوا له فترة التسجيل و مع ذلك عليه مطالبات للاعبه البرازيلي لم تدفع و سمحوا له بالتسجيل

وش رايك في قضية عبدالغني مع شكوى لجنة المنشطات و شهادة فهد بن خالد عليها و لم تبت فيها لجنة الانضباط إلى الآن
لان النصر بيلعب مع الهلال
الكلام يطول و انا عارف ان الموضوع خاص بالنصر و جمهوره و مباركة للهلال
و الهلال متعود لازم كل سنة تفتح موضوع ثنين و ثلاثة عن بطولاته

بس كنت ابي اخذ رأيك في الدلال الحاصل لفريق النصر لان اكثر واحد يقول الفريق المدلل

اهلاً وسهلاً شرفت الطرح واجدد التهنئه لك ويفترض إنك هادئ ورايق خاصة بعد الفرحه العارمه البارحه ..
انا اكتب بروح رياضيه ولقناعتي بأن الكوره فن وذوق وتنافس شريف حتى وإن غضبت من النتيجه رغم ان البارحه عتب لا أكثر لأن العالمي كان قمه في كل شي لولا الترجيح ..
عدنان جستنيه لديه حساب بالتويتر واتواصل معه دائم ويمكنك التواصل معه وتوجيه السؤال له
الحارس عبدالله العنزي كبير واستفزازه لاعبيكم طبيعي ياخي يحاول التأثير عليهم يمقن تضيع
اللاعب اليوناني تجيز الماده 6 تسجيله في حال عدم الاستفاده من أيوفي لنهاية الموسم وثبت أن أيوفي يحتاج 6 أشهر للعوده شرط وجود لاعب بديل عاطل غير مسجل في أي كشوفات أخرى وكان اليوناني حاضراً ويامن شرى له من حلاله عله واهداكم كأس كان النصر يستحقه
الفيفيا لو يوجد لاعب له مستحقات ماليه مايوافق على تسجيل محترفين جدد ومنهم باستوس اذاً مانسو انتهى وضعه ويحق لي التعاقد مع غيره ...
والإتحاد كذلك خلص اللي عليه ولا مايمكن السماح له من الفيفا ياسيدي الكريم .. فيفا ذي مو رعاية .. دلال ..
حسين عبدالغني حتى اللحظه لم يدان بشي والمتهم بريء حتى ..............
لكن لماذا لم تقدم الشكوى بعد مباراة الاهلي ؟
لماذا الامين الهلالي ما أثار القضيه الا قبل مباراة الهلال ولماذا يقف أمامهم داخل الملعب حتى يستفزهم للايقافات ومن صرح له بالتواجد في ذلك المكان ومدير الملعب بنفسه لايسمح له بالتواجد هناك بدون سبب ..
ورأي أنه لايوجد فريق مدلل فالعالم كـ الهلال طبيعي ياصديقي لما يكون العاملون فالرعايه بنسبة 75٪ هلال أن يحضى بالدلال ..
والله يدلنا وانت للصواب

هلا ....... وغلا

وهاردد لك ........

هارد لك ..يا غلاااي ..
يوم لك ويوم عليك ..
واحيي فيك روحك الرياضية ..

مباراة كانت جميلة ..
وابتسم الحظ للهلال في النهاية
فنقول مبرووكين..
والنصر عاد بقوة ..للمنافسة ..
وسيبتسم له الحظ قريبا ..
فدوام الحال من المحال

ربنا يديك الصحة
سلااامـ..

هلا غلاي و ابشرك من كثر البطولات صار الوضع عادي نفرح ساعة و انتهى الوضع

و لكن نعود لموضوعي عن مانسو

وكيل أعمال اللاعب طلع في برنامج في المرمى و يطالب بحقوقه

و النصر قبل مطالبة اللاعب مسجلين باستوووس

أما قضية عبد الغني و على قولة الأمين الهلالي

القضية رفعتها لجنة المنشطات من بعد مباراة الأهلي مع النصر أي قبل مباراة الهلال و النصر بالدوري

ليش لجنة الإنضباط ما تبت في قضية لها اكثر من شهر

و أتذكر مواقف لطارق التايب و رادوي على سبيل المثال لا الحصر يصدر إيقافهم بعد نهاية المباراة و قبل انتهاء التحليل

أما قضيةاليوناني و المادة 6 أوعدك راح نفتح موضوع لها خاص جدا

و على فكرة زمان التحجير و أنا قافطهم و انا الي أدور الزلة حتى أحرجهم لا و الله مهب الهدف

أنا ابي أوضح شي لك و لغيرك من هو النادي المدلل

زمان الكذب و الدجل الإعلامي عن الفريق المدلل معاد صار يمشي على المبتدئين في الرياضة

أتمنى تناقشني بعيد عن الميول و الألوان

مراحب بيك
لا ياسيدي فرحكم العارم مساء الجمعه امتد حتى نهار السبت بداية الويكند الأجنبي .. وفرحكم ببطولات ولي العهد السابقه لاتتجاوز فرحة 3 نقاط لكن لأن النصر عاد بقوه وهيبه وهو لازال في طور العوده .. ما أدري وش بيصير في ربعكم لو تأهلوا للعالميه ياساتر ...
مانسو وباستوس يخضعان لمظلة الفيفا واللي أفهمه حسب اللوائح والأنظمه الدوليه أنه لايمكن أن يسمح بتسجيل لاعب والآخر له حقوق متأخره ..
واتحادنا السعودي ماهو اللي يفصل هالأمور حتى نلتمس دلال ترفع للاتحاد الدولي لكرة القدم وهم لايعرفون الدلال .. الاتفاق ياحبيبي تأخر ساعه ونصف عن موعد الانتقالات الشتويه رفضوا طلبه بسبب ساعه ونصف الساعه ..
عبدالغني لم ترفع أوراقه بعد مباراة الاهلي ولا المباراه اللي بعد الاهلي ولم تثار القضيه الا قبل النهائي بأيام وأمين اللجنه مشجع هلالي ووقوفه في بوابة دخول اللاعبين بطريقه استفزازيه يعني الكثير فـ لديه مكتب داخل الملعب بأداء عمله اسلوب الحاره اللي قدمه يدينه أكثر .. واذا لجنة الانضباط بطرفها شي فـ أعتقد بتها فالقضيه بعد النهائي يُعد إدانه لها ...
اليوناني جاء بسبب ثغره فالاحتراف تُجيز للعالمي تسجيله وحظكم ياخي راح الأهم وأضاعها القضيه رغم إني سمعت النقاد يشيدون بفطانة مسؤول الاحتراف بالنصر لمعرفته بمحتوى القضيه كون ايوفي اصابته تتجاوز الستة اشهر
والدلال للهلال عبر التاريخ ليش ياخي نتجاهل الأمور ولا ماكان وصلت 50 بطوله ولو العالميه بيد رعاية الهلال كان وصلتوها 10 مرات
لن يقتنع رياضي واعي بأن الاتحاد السعودي ولجانه السابقين ضد الهلال ومع النصر ... لو نفتش الأرشيف نتعب .. تو اتحاد محمد عيد جديد مو عاجبكم لأن طبعكم إن لم تكن معي فأنت ضدي
تذكرت بن مساعد عندما قال تجرأوا الحكام علينا !!!!

تقديري

احسن مافي الموضوع انكم مافزتوا
مهزومين وقاعدين تحتلفون
كيف لو فزتو !

مبروك عليكم مجاراة الهلال وحقيقة العنزي حارس رائع " لو ترك حركات هز العارضة اللي في الاخير " لأنه انقذكم بصراحة من كارثة لأنه لو سجل الهلال في أول الدقائق لا اختلفت الأمور وأصبح الوضع مأساوي .

لكن الحقيقة أن النصر تعافى كثيراً وليس كنصر السنين الماضية
وهنا سيأتي السؤال : هل يستمر النصر أم يتراجع مرة أخرى !

الله يبارك فيك غلاي وهاردلك لكم
والنصر كان رائع والحقيقه هالشئ رغم انه ليس بصالحنا الا انه شئ جميل ان يعود النصر لسابق عهده فالنهائي دائمآ لايكون جميلآ ان لم يكن أمام العالمي ..
موفقين يوم الاربعاء ولو لم نكن من عشاقه سنكون من متابعينه ..إحترامي وتقديري

ودي اسال مجرد سؤال
انا رديت هنا امس ولكن مدري وين راح الرد ؟؟؟

هارد لك غلاي

والنصر يبقى فريق كبير

ابو سيف

مرورك عطر المكان واعتذر لتجاوز المداخله
بطيب مشاعر والله فقط تداخلت لأبقى فالحدث
ودمت طيب

العمده شرفت المكان
إضافتك محل التقدير واشكر حرفك
واعتذر لتجاوز المداخله بحسن نيه

المهاجر صديقي العزيز
مبروك البطوله ويبقى جمهور العالمي الوحيد فالعالم العربي من يقف مع الكيان فهو الثابت والبقيه متحركين وحضوره للنادي البارحه دليل لعشقه وانتمائه للنادي ولاتوجد الا في الجمهور النصراوي والجمهور الأروبي
عندما نقول لو تقولون ماعمرها طارت بالجو اذاً لو النصر من تقدم بهدف لن تحلمون بالتعادل وليست مجاراه ياسيدي الفاضل النصر حاصل ع ست نهائيات محليه من أمامكم مقابل بطولتين محليه لكم وعالفحم ياشاوي والعنزي كان يستحق الكرت الاحمر بصراحه
وان شاء الله ترى العالمي عائد حقيقي بعد المعافاه

تقديري ياصاحبي

غلاي انت تقول و انا نقول و الحقيقة واضحة للجميع
بس هذا طبعكم ما تخلونه لازم انتم الصح و غيركم غلط

اما الجمهور فمبروووك عليكم شعبيتكم و الله يهنيكم
ايكم مع الكيان 16 سنة و محلك راوح و مبروووك لكم ادراك التعادل