قصيدة بمناسبة العفو

قال ابن منصورفي بدع الجزايل
شــاعر مـا يبدي الا بالجـزيــــله

يا سلامي عد همــال المخـــايـل
يــا بنـي عم مــواقــفهم جليـــلـه

بيض الله وجه كسـاب الجمــايل
ترفع البيضاء له براس الطويــله

فعله يجمـل بنا والـراس طايـــل
يكسب العليــا وجمــل بالقبيــله

للوفا سابق وللنــامــوس نايـــل
راس قوم ما يهــاب المستحيــله

طيب راسه بان ما فيها جدايل
بعد ما اعتق شايب واخلا سبيله

ما اعلن بعفوه بعد ملفى القبايل
غير عفوه في رضا من يلتجي له

يا حسن بن فاهده ذرب الفعايـل
في العفو عندالولي خير وفضيله

يا زحول ال فاهده روس الحمايل
نسل قوم تسرج الخيل الاصيــله

تكسبون الطيب من عهد الاوايل
يا قصــر عـز تذرّى بـه دخيــــله

تفتخر ناهس بكم والشك زايــل
بيض الله وجه كسـاب الجميــله



منقول من منتدى قبيلة ناهس