قصتي مع أبوريان....

أولاً إذا ممكن يبقى الموضوع هنا فهذي رغبتي
وإذا بتنقلونه للقصص فلا بأس بذلك....

قصتي مع أبوريان...
ملاحطة قبل البدء...
القصة واقعية وعمرها حوالي 15 سنة وهي باللهجة العمرية في أغلب كلماتها وقد كتبت بعض الكلمات بالخطأ الإملائي المقصودلكي أواكب وزن اللهجة *العمرية.........
الجميع يعرف أباريان سواءً هنا أو خارج أسوار هذا المنتدى وأبوريان شخصية تربوية متزنة ورياضية بارزة وشاعر عاصرته سنين عدة لن أطيل الحديث عن هذا الرجل فقد تكون شهادتي فيه مجروحة ونقول سلامات لكل الجروح ههههه
المهم في سنة من السنين وفي برد وهطيل والعماة بالسدة حاظيت أبوريان في استراحة تكاد أن تكون شعبية وكان البرد شديد فقال لي اجلس ليتي واقسملك من فروة معي قلت لا يا رييال ما أحب القسمة حتى لو كانت لحم خل فروة خلجت مع يدتي
فضحك وضحكت وأثناء الضحك قال ولد قلت مالك ياذالسحابي قل هو معك قصيدة قلت ايوااااه ليه ومذا عليك مني قل ياسكن ماودك تصير مشهور قلت منه مشهور قال يعني من المشاهير قلت اسلم ايواااااه ودي غطني عنك راعي روايا قال هي اعلمني بقصيدة قلت ورّع وافتليها الله يعلك ببقعا المهم أفتليت القصيدة وقلت استلم يا أبوريان وكان فكري الرييال بيرد بحكم إنه شاعر الله الله وايحت الجصيدة قال ياولد عايلّك سكن من السكون ولاهي بلحيتي أرد عليك طول غير معنا منتدى اسمه منتدى بني عمرو وياني باهبها فيه قلت اشن أنت يالمنتدى فضحك حتى سالت دموعه وقال أبو ولدي قلت أبو بنتي مالك عسى الله يصدع في عقلك راعي روايا وهليل
طبعاً لاتلوموني فالقصة قديمة وكانت مع بدايات الإنترنت في المملكة ولاكان أحد يعرف النت*
المهم شرحلي مفهوم منتدى وقلت في نفسي الرييال شرب شيء ولا ماهو صاحي وانتهت السالفة وافلحت *البيت وجلست يومين وحاظيت أبوريان سلام كيف الحال وش الأخبار قال الله الله من علم قلت أي علم قال ياولد قصيدتك وصلت أربع صفحات قلت أشن أنت يالصفحات قال في المنتدى قلت ولد أنت في رسلك اعلمني مذا معك لايحضرون منك ومذاهو المنتدى ذيه وهو يشوفونه العرب قال أيوااااه قلت هي خل شراهنا ماليماعة والضيفان قال بالحرام إن عادت أربع صفحات قلت اسمع قال مذا معك قلت أفلحنا لبيتك ورني الشي ذيه قال أفلحنا
المهم وصلنا الببت وشغل الجهاز فدخلت عالم آخر عالم افتراضي وقريت علوم ماودي أعلم بها رييال اللي مدحني واللي سبني ولا تزاعل مع خويه بأسباب هالقصيدة وأنا عدت واختل في عقلي قلت ولد قال مالك قلت افلح بالحرام لاشتري جهاز عبى ذيه افلح قال ياولد آخر الليل خلها بكرة قلت حرم افلح افلح ودني لايحضرون منك كيف الرييال ذيه يقول راعي القصيدة مافي راسه كيف ومذا معه فيها امض يابوريان قال استعنا بالله المهم رحت وشريت جهاز جديد بسبعة آلاف أيام الغلا وقلت يا أبوريان افلح معي البيت وشغله ما أعرفله قال ولد أنت في عقلك عاين الساعة وحدة وبعدو ورنا دوام قلت حرم ان تفلح معي قال تم والله يعلك ببقعا تشتلك افلحنا ووقعنا عند باب الببت ونتحاوش باليهاااز فحظينا ياومي عند الباب بعصا عثرب معها وقالت فين كنت يالدايك واشنهو الولد ذامعك ومذاهي الدفاية ذا تشتلونها ههههههههه قلت الله يرحم والديك هذا كمبيوتر قالت يوه ومذاهو الدركتل ههههه
قلت بعدين واعلمك قالت والولد السحابي ذيه اشنهو ههههه قلت هذا أبوريان ولد بن مريع
قلت ايه ايه معليه حده هو معليه قلت تكفين حاوشينا قلت انجشر عن ويهي ههههه المهم شغلنا الجهاز ويودلي أبوريان إيميل وسجلني بالمنتدى وقلت اعلمني كيف أرد المهم أفلح أبو ريان فجلست على الصفحة حقت القصيدة للصبح وقام أبوريان لاونها عادت 20 صفحة من كثر الردود والقيار*
النهاية سببت لأبوريان زعل مع كل من يعرف وقلق مع نفسه
وكذلك أصبحت ضحية لفكرة أبوريان وأصبحت مطارد من كثير من الجمعات الشعرية ليومكم
والسلام ختام.

هههههههههههههههههههههههههههههههههههه
الله يسجي زمان مضى ..غبني يكون يالكم ثنتين والا ثلاث بعصا العثرب ..
اما دفايه هههههههه مت ضحك عليها ..الله يحفظ لك الوالده ويديم محبتكم وصداقتكم ..لك شكري وتقديري..

هههههههه لا اله آلله كم ضحكت
إحليل ابو ريان كم من آلعلوم جته وفي آلنهايه امك تقول
منين جا آلسحابي ذيه ههههه
على آلعموم آلله يديم آلصُحبه وماقصرت وكل يوم خلك
على آلدفايه حقتك وأكتب لنا
شكراًلك.؛

الله الله من اثنين . هههههههه

علمنا عن القصيدة فانها او تخرج لنا هنا ثم نعلمك هي تستاهل الصياح ذا كله والا لا .علما بانني واثق من شاعريتك مبدعنا الفاضل .

اظن المقصود ابو ريان غير ولدنا ومديرنا السابق


لان القصة من 15 سنة وولدنا مسجل من عام 2002

يعني له عشر سنين فقط

أظن يعني !!!

هههههههههههههه ابوريان اتاريك مبخوت من يام الصدر

أبدعت أخي بنثرك الشيق وربي يوفقك اما بوريان فهى فى ويهى انا وياه
من عهد درويش وبسام معلمين بلبتدائى وعاينه يبخت فى العلم الطيب
تسلم اخوي ولك فائق الشكر
تحياااااااااااااتي

عيد الصديق الي يود صديقه ويتذكره بالعلوم الدوا ؟!!

اشكر الجميع

ههههههههه رهييييبه الدفايه
اضحك الله سنك ..
وليتك حطيت القصيده عشان نحكم عليها تستاهل كل اللي حصل والا العثرب قريب (:

قصة جميلة ، ونعم فيك وفي بو ريان الخطير .

مبدع وابدعت في القصة

والله يديم المودة والمحبة بين الجميع



الازدية

ابوريان
هو خوينا الحالي بالنسبة للتواريخ
الله اعلم عنها

أنتم جميعاً إخواني
ولكم مني التقدير والاحترام
بالنسبة للقصيدة فصعب أفصح عنها
لماذا لأن الزعل بيرجع من جديد ويادوب تصالحنا أنا وبعض مرتاديها
وبعضهم يمكن مات ولا تقعد هههههه
أما الأخت الأزدية فلو ركزتي في عباراتي فسوف تجدينني قلت عمر الموضوع أو القصيدة ((( حوالي )))
ولم أقوم بالتأكيد على العموم هي تقارب 12 عام وركزي قلت تقارب هههههه
أما أبوريان فهو زميلنا هنا أبو لون أحمر فهو المعني
وشكراً للجميع.

ههههههههههههه

حياك الله مبدع كتبت بطريقة رائعة وجميلة ....

والماضي دائماً له ذكريات حلوة ...


اذكر مع أحد الإخوة في المنتدى أخذنا دورة في الحاسب بعد عملنا
في التعليم لعدة سنوات ولا نعلم حتى أبجديات الحاسب ومنها كيفية تشغيله ...


لك تقديري

ههههههههههههههههههههههههه
لا حول ولا قوة إلاّ بالله ..
عموماً السالفة أؤكد صحتها والله يكفينا واياكم علوم النشب
بالنسبة للمدة فلا تلومون السحابي ترا خط الزمن لعب براسه الله المستعان
يا الربع الله يعين الصادق كنت ناوي أعلم الرجال بكل جديد وقتها وعادي يعني ولكن حصلت بقعاء بعدها
فعلاً شرينا الدفاية تيه وصلح لنا صاحب المحل ايميل ومو أنا إذا تفتكر لأني قسم لحد اليوم ما أقدر أصلح ايميل
والله ما كذبت عليكم وهذا الصدق ..
المهم يا ناس معه ومه تيه الله يعطيها العافية قسم إنها عن ثلاثة رييل يا ومتي منها
وقد قلت له من أول فكنا من ومك تكفى قال ما عليك ريال واثره بس متحمس ..
المهم وصلنا وحاظتنا على الباب يالله سترك بغا ينفك عقلي
وزيد يوم قالت منهو السكن ذيه فاختبط أكثر وصكي يا أصبع رجلي فالدرج حرام إني حسيتها في راسي
أخذت قلبي قسم وياعرب قد شفتوا إنسانٍ يمضي ولا فيه أصابه ولا يظلع ومعه عصا
طلعنا وسجلناه في المنتدى وليتني خليت لأن القصيدة هذي أمتدحته فيها وتعرفون صديقي ..
المهم جاء عضو وقتها والله ما أنسى اسمه لحد الآن واسمه أبو مشعاب فهب فينا ليل من يوم خلقني الله
يقول وش هالقصيد وووش هالكلام ويقول هذا كلام خرطي ولا تستحق تكون قصيدة
قلت ياخي هذا خويي وصديقي وشاعر وكذا قال أقول أقلب وجهك أنت واياه بلا شعر بلا خربيط
هيا السحابي ذيه اعرف إنه سكن ولا بيصبر ولا ودي يقرا الردود المهم سجلته ورجعت للبيت ما عاد أبصر نوم
من كثر ما شرحت له كيف يسجل دخول وخروج
الله يجيركم أثره قعد إلى صبح يتلاوف العرب في المنتدى ووقتها انا عضو ومالي كُثر تواجد ..
شوي شوي وعقل الرجال ومشت الأمور وأبو مشعاب هذا حرام ما عاد شفناه وأنطق عقله
هيّا ذلحين القصيدة تيه لا أشوفها طول طول فيزدر أبو مشعاب يحوس طينتنا
بصراحة ذكرى لا تُنسى للأبد ومعها جاء بخاطري هذا البيت القديم :
وش ذكّرك حب طوته الليالي
حب مضى ما بين قلبي وقلبك
عزيز وغالي والله يحفظك ويرعاك ومن الأصدقاء الذين أعتز بصداقتهم للأبد ..
تقديري ..

هههههههههه
شكراً الأشقر
شكراً أبوريان
تقديري للجميع هنا