هذولا اللي يستخدمون السيارات صح . !!

بسم الله الرحمن الرحيم
السلام عليكم ورحمة الله وبركاته

لكن لو حصل لهم حادث ؟

اللهم الطف بنا وبهم .

هذي كلهم قاطين فيها وحللوها صح
..

يااا كرهي للشاحنات اللي مقدمتها زي كذا ..
اذكر زمان كان يجي في القناه الاولى اعلان تحذير للي يوقفون بجنب الطريق و يصلون ( مدري تذكرون ذاك الاعلان و الا لا ) و جت شاحنه زي كذا شالتهم .. ماكنت انام ليلة اشوف الاعلان من خوف و بكاء

اعتذر عن الشطحه بس شفت الصور و تذكرت ..

هذا اللي بيطلع قيمة السيارة في كل مشوار

هههههههههههههههه

تحيتي لك

ابو ريان


شكرا لمرورك لاهنت بارك الله فيك .

نواااااره

اهم شيء عساها ما رجعت لك الاحلام المزعجه . هههههه.

شكرا لمرورك بارك الله فيك .

ابو حسن

اظن انه بيوضبها قبل ينتهي المشوار لأنها في الواحد من يوم يقوم حتى يصل . ههههه

شكرا لمرورك لاهنت بارك الله فيك .

عليكم السلام ورحمة الله

الله يلطف بحالهم
كذلك كنا من قبل
حسب روايات كبار السن
كانوا ينقلون الحجاج من الجنوب الى مكة في
مثل هذه السيارات
وكانت دورين يحشرون النساء تحت والرجال فوق
ومعاناة حتى يصلون
الحمد لله الذي انعم علينا بسيارات من اجود الانواع
بلاحول منا ولا قوة ولا حتى من صنعنا
الله يجزيك خير الجزاء
والله اني افضل المواضيع التي تذكرنا بالنعم
اذا مستنا الغفلة

الازدية


بارك الله فيك واشكر لك مرورك وتعليقك لاهنتي .

الله يعينهم
منظر بالفعل يذكر بالنعم الكثيره الي أحنا فيها
اشكرك ابو فهد..

تراتيل


شكرا لمرورك لاهنتي .

ههههههههه وناسه

هذي عايديات اليمين مرشوشة بويته مهب شد بلد

الي يسار اتوقع ان بويته شد بلد

يسمونه اهل العايديات بوز و توصل قيمة النظيف حوالي 250 الف بدون وايت

و انقطعت في المملكة من عام اتوقع التسعين

و رجعوا يصدرونها بس ماهي المانية اتوقع انها ايرانية التجميع

شطحنا بس تذكرت وايت ابوي المحروقات موديل 78 يسميه ابوي وجه الخير

يقول كنا نودي حملة قار من راس تنورة لجيزان 3000 الف ريال

لذلك ابوي الله يطول عمره يقول لا لبيعه و لا تبيعونه

يقول بعدها ولى الفقر و الله يرزقنا و ياكم الجنة و الله لا يغير علينا

شكرا ابو فهد

الريم

شكرا لمرورك لاهنتي .

رويال

معلومات جيدة بارك الله فيك وشكل عندك خبرة فيها ما شاء الله .
اتنمى لوالدك الصحة والعافية وطولة العمر على طاعة الله .

شكرا لك .