قصيدة / على الودّ مبناها ,,

على الودّ مبناها وقلبي مكانها=ولا عاش من باع الأخوة وخانها
ولا عاش ناسي العيش والملح وارتخى=حبال المودّه من يمينه و هانها
ولا عاش من لا يعطي الناس حقها=من الشكر والامداح قمّة حسانها
ولاني بظالم ذمتي في رفاقتي=و جامل على حسب المصالح و شانها
نزفّ البيوت اجزال للي يحقّها=ولا نرتضي غير العلم من سمانها
و لاني مجازي راعي الطيب بالردى=و راعي الردى يبطي و يلقى هوانها
سلامي على بو عامر الشهم و الوفي=ورجل المهمات الجسام و حصانها
و ينشر سلامي للرفاقه جميعهم=هل المرجله و اللي تشيره بنانها
وكذّاب من عدّ العذاريب عندكم=ولو راهن الكذّاب باكسب رهانها
بنا حلّت الاقدار من هو يطولها=ومن هو الذي بيديه يمسك رسانها
و والله ما ودّي نفارق مكانكم=ونبعد ولكن صوّبتنا سنانها
ولا لي سوى الدعوات بالعون والفرج=والايمان بالله من بكفّه ضمانها
ولا ندري الخيره و ما الله صنعا=بنا ربها تجمل و يثبت كيانها
وفي الخاتمه صلّوا على سيد البشر=وراع الرسالة عالمحجّه بيانها
و و دعتكم ربّي على الخير نلتقي=سوا كان بالدنيا و الاخرى جنانها