يا سيده بشويش !!

يا مهرة بجيان حليــــــانها له طيش
وانا ليا من طشت بسم الله الرحمان

لو يحرسون الامن والا حرسه الجيش
والا هلى الحسبه مع الدعم بالظهران


قلوا لها والله لاصــــلك لو حتى ايش
دام الهقاوي في يمـــيني لها سلطان


من زينها سبح لساني مع التــــرميش
خوفي سهوم ارموشها تقتل الوجدان


لو كنت ابوصفها جنان ورغدها عيش
تسوم بــــــحلاها كنز قارون يا لقمان


فتشت بعيــــــوني ادور حــــجج تفتيش
من شان اطيب خاطري واعدل النيشان


لكن خـــــــــاب الظن يا سيده بشويش
هونك على قلــــب يرفرف بلا جنحان


وما خوفي الا تجرح الحر بالتطنيش
واذا حصل كني بها التاجر الخسران


القاف بخشش زينها بخته البخشيش
تستاهل الي ابذكرها يرجح الميزان


ما تدري ان قلبي مع اهل الهوى درويش
وسمه شربته شوفي سمه مع الشريان

ارساله مشوش وعذري على التشويش
خلل طبيعي شفر ارســــــالها الاذهان


مني لك اتحيه ومن بـــــعدها يا ويش
ياصل وينعم من لذيذك وهو شــــفقان