ادري بخطايا

ادري بخطايا بحقك وانت تعذرني
وادري بقدري بقلبك وادري بعجابك

ابيك ما يزعلك طيشي ولو اني
من كثر ذنبي طمع في قربك اقرابك

ما غير حبك ملك قلبي وياسرني
يا جعلني منحرم طيبك ولا اشقابك

يا شوق عيني ويا شعري ويا فني
ما لوم قلبي لو انه يعشق اترابك

شيطان نفسي لو انه فيك وسوسني
خيبت له هقوته ما عاد يهقابك

حتى الشياطين غارت منك ومني
يا هيبت العشق لان العشق يزهابك

لو حارب الانس والا الجن حاربني
حاربتهم كلهم في خاطر اهدابك

حتى لساني عقدته لا يـــلحني
يا حرفي اللي رغم حزنه تغنابك

تسقيني الشهد من ريقك ويفتني
ضمات صدرك وليل الشوق يهنابك

افزلك مثل طيرآآ سابقه جني
يسبقه يا عل يكسب نظرة اعجابك

الوقت وده على وصلك يعذبني
ياوقت والله ماني حاسب احسابك

الموت واحد وكان الموت خيرني
اخترت وصلك واقول الروح تفدابك

قلبي معاهدك قبل انك تعاهدني
ما خون عهدي مدام القلب يحيابك

واقف على بابكم والشوق ذابحني
لو ما غلاتك محمد ما طرق بابك

يا شيخة الغيد هجرك حيل متعبني
عودي طلبتك ترى لو مت وش نابك