عــزا عمــرين

عــزا عمـــرين


الله يحسن عزا عمــرين في راسي
حط كلن على بالــه وفي راســــه
كنه الضــور موقف والاســد باسي
الملك رزته والــويــل من باســـه
اشهد انه ذهب وان غـيره انحاسي
كل ناقـص الى من امتثــل حاســه
له من العــلم حكمــة والفهم ماسي
الرجا فيــه في من حاجتــه ماســه
والله انــه بحـب الخيـــــر منهاسي
يوم تــلقاه تعرف وش بنا هاســــه
تاج عمـــرين فيها ستـــــر الباسي
وكــرم الناس وده سبــل الباســـه
من بعد هالبطل لضعــوفنا عاسي
والله ماضن بعــده واحد عاســــه
بعضنا نـــوم ويـلا قــــام بنعاسي
اكبر الهـم فيــه النــوم ونعاســــه
الله يـــرحمـك يابو مانــع القاسي
كل شي يجيبــه للعــرب قاســــه
في مكانه زعيــم وبعضنا خاسي
يوم يقبـل وعـلمه في ردا خاسـه
اه ياكم بكم يابني عمـــــر داسي
العمل يتقنـه والمنحــرف داســه
والله ان المراجل والكرم ساسي
كل واحد يبان وينعرف ساســـه

غفر الله لبن جربح وأسكنه فسيح جناته آمييين ..
صح لسان قائل القصيدة ..
وشكراً لك على كتابتها هنا وفقك الله ..
تقديري لك ..

صح بدنك يا ابو ريان
واشكرك على هذا الشعور الطيب والكلام الجميل
وانا منكم وفيكم واعدك بالمزيد من المشاركات
شعر خواطر قصص نقد مقالات
وجميع المواضيع التي يسرني قولها ويهمكم سماعها

حياك الله اخي الكريم
ولك كل الشكر على ايراد القصيده

ونسأل الله تعالى ان يغفر للمتوفى وان يرحمه رحمة واسعه
وان يجعل قبره روضة من رياض الجنة
تقديري