اذكر وانا أدورك بين المزاهير

لا ياسمو القلب كلك مقادير=حليت في دنياي حيلٍ وشاريك
من يومها كلك تغيّر وانا غير=قلبك يوصيني وقلبي يوصيك
في ليلةٍ وسط النجوم المساهير=عديت من يمك وكلي يحاكيك
نورك ظهر مبداه كله تباشير=مبداك صافي يبهج القلب طاريك
من طلتك تنشاف توي وانا أسير=كم قلت لك يانور حوّل وهاتيك
يانور تبقى لك كثير المعاذير=دامك بقيت بطلتك في معاليك
تفداك خطواتي وكُثر المشاوير=والعين منوتها النظر في محاليك
اذكر وانا أدورك بين المزاهير=تاهت عيوني بين هذي وهاذيك
وبعد انتهى قلبي وحط التقارير=صوّب سهامه يم دارك وناصيك
عقب السفر من ديرتك والمصادير=ياكم تمنيتك وكم كنت أناديك
بإذن الله اللي عالمٍ بالتدابير=إني على وصلك جديرٍ وباجيك