في السوق وامــي ياعرب هاوشتني

والـلـه هَـذا الــلـي حـصـل ؟ قـبـل شـهـريـن
فـالـسـوق ؟ وامـي يـاعـــــرب هـاوشـتـنـي



واجـهـت وحـده ؟ حـابـكـه رســمة الـعـيـن
ورمـوشـهـا مـن غـيـر ذنـب ؟ اطـعـنـتـنـي


الـبـنطـلون اسـود ؟ وفـيـهـا مــــن الــزين
شــيً تــعـدى الـعـقـل ؟ لـــيــن اسـبـهـتـنـي


غـيـر الـعـبـايـه كـتـف ! والـخـالـق يـعـيـن
ومـخـصـره ؟ لا والـلـه الـلـي انـــــكـبـتـنـي


صـديـت عـنـهـا ؟ وكــانـو الـنـاس لاهـيـن
وابــلـيـس راودنــي ؟ وهـــــي راودتــــنـي


وامـي تـفــرج فـالـمـلابـس عـلــى هـويـن
مـاهـي بـيـمـي ؟ وفـــــالـمـحـل خـابـرتـنـي


مـشـخـص وكـاشـخ ؟ وانـا مـاني بــشـيـن
اعجـبـتهـا ؟ وهي واللـه اللـي اعجـبـتـنـي


هـي اقـربـت مـنـي ! وانـا ارحـب اهـلـيـن
ومـن دون مـشـعـر يـاعــرب خــامـسـتـنـي


واصـل الـمحـل فـخـمً ! ومـقـسـوم دوريـن
ويـم الـدرج ! رجـلـيــــن حـضـي خـذتـنـي


الا امـي اتـنـــــــــادي ؟ ورع رايــحً ويـن
وفـكـيـتـهـا وهـي ؟ اطـلـعــت وتـركـتـنـي


قـالـت وانـا امـك ؟ انـت ورعً لـهـالـحــيـن
وبـشـنـطـة ً مـعـهـا زعـلـت ؟ ولـمخـتـنـي


وعـمـري تعـدى فـوق ؟ واحد وعـشـريـن
ولازلت ورع ؟ فـ عـيـن مـنهـي اولدتـنـي


وضـحـكـت ! واتـعوذت مـن هـالـشـياطـيـن
ومــن نـفـسـي الـلـي ؟ لـلردا طـاوعـتـنـي


واستـاهـل الـمـخـه ؟ وكــــــفً وبـقـسـيـن
وحـسـبي عـلى اللـي راحـت وورطـتـنـي

منقوووله لعيونكم
وان شاء الله ترضي ذائقتكم
اختكم
الهنوف بنت عبد الرحمن