يقولون مـا للعبـد بـد عـن المقسـوم **وأنا أقول صـح ويقنـع العبـد مقسومـه

يقولون مـا للعبـد بـد عـن المقسـوم

وأنا أقول صـح ويقنـع العبـد مقسومـه

..

عسى الله يعين اللي توافد عليـه إهمـوم

همـوم تخلـي طبلـة الـراس منجومـه

..

تـرى والله انـه مايكـدر عليـك النـوم

سوى كلمة من بعض الاصحاب مسمومـه

..

إليا جت من الغالين وإلا الرخـوم رخـوم

ولا أمحق من الغالي إليا شانـت علومـه

..

ضعاف الروابع تبتلـش والقـروم تشـوم

ولاهي بلا شيمـة ٍ مـن الشيـم مليومـه

..

ولا أزين من القاع الخلى والوجيه سلـوم

ولا رفقـة بعـد طـول الايـام ملغومـه

..

ولا ألذ من عشرة شريف من أقصى القوم

يبادلـك فعـل الطيـب معنـاه وسلومـه

..

ولا شفت في جو الصداقه غبـش وغيـوم

عطيت الدروب اللي مع الارض مرسومـه

..

ولا مثل عز النفس لـو مامعـك مطعـوم

وعن أهل الشماته خل الاسـرار مكتومـه

..

معي لو سمحت شوي عقب عـداك اللـوم

أبعطيك عن بعـض الرجاجيـل معلومـه

..

ترى اللاش لو وقف معك في حياته يـوم

تشوف الردى متبيـن فيـه مـن يومـه

..

وأنا أقول لو إن في وجيه الرخوم وسـوم

عرفنـا نميـز قيمـة النـذل بوسـومـه

..

علشان نجلس مع رجال الوفـى و نقـوم

ونبعد من اللـي عنـد الاجـواد مذمومـه

..

وأنا أسمع مع أهل التجربة في الحياة علوم

بعضها صحيح وبعض الاخبـار موهومـه

..

يقولون وكـر الحـر مـا يعتليـه البـوم

وأنا شوف عيني وكر حـر تحـت بومـه

م ن ق و ل