صداقه نادرة الوجود

صداقه نادرة الوجود

صداقه نادرة الوجود

قصه قصيره تستاهل تقرونها


كان فيه سعودي وكويتي زملاء يدرسون في بريطانيا وبعد انتهاء فترة الدراسه

قرروا ان يرجعون لاهلهم فقال الكويتي للسعودي قبل ما تروح للسعوديه تعال معي

للكويت وبعدها رح للسعوديه فوافق السعودي وهم في الطيارة رايحين للكويت دق

اخو الكويتي من الكويت وقال لاخوه ان جدتي توفت



فقال الكويتي لاخوه انا معي زميلي من السعوديه وعازمه فلا تقولون له شي حتى

ما يضيق صدرة ولا احرجه نصلي على الجنازة وكنها لاحد من جماعتنا لما وصلوا

وصلوا على الجنازة وقعد السعودي له مدة في الكويت اعجب ببنت جيران الكويتي

وقال لزميله اني ودي اتزوجها فرح الكويتي وقال انا مستعد اخطبها لك وفعلا

خطبها له وخبر السعودي اهله وسو الزواج ورجع السعودي لديرته وبعد مدة

طويله كبرة تجارة السعودي وطلع تاجر وغني والكويتي خسر كل امواله وتجارته

فقال مالي الا اروح لصديقي السعودي اكيد بيساعدني وفعلا راح للسعوديه وهو

منتظر شوفة زميله بفارغ الصبر لما سال عنه وصل لبيته صار مو بيت صار ساكن

في قصر وتاجر وكان الوقت متاخر فقال للبواب قل لراعي البيت ان زميلك من

الكويت فلان بن فلان عند الباب وانه محتاجك مرة مرة وان حالته كذا وكذا

وبعد مارجع البواب عطى الكويتي فضله عشى السعودي تخيلوا

---------------

فضاق صدر الكويتي وقال هذا جزاء الصداقه المهم وهو راجع رجليه في الطريق

لقى رجالين (من رجال الاعمال) يتراهنون على مليون الي بيجيهم الاول

بيعطونه المليون وكان من حظ الكويتي انه هو الي جاهم الاول واخذ المليون

وتاجر بها في السعوديه وقبل ما يرجع للكويت لقى عجوز معاها بنت وقالتله

العجوز ابي اخلي البنت عندك واروح احج اذا مارجعت تزوجها خلاها الكويتي عند اهله

ولما طولت العجوز عقب الحج اتزوجها وسوا حفله الزواج بالكويت وفي اثناء

الزواج وكان من ضمن الحضور زميله السعودي

لما شافه الكويتي غضب

---------------

وقال للحضور اطردوه هذا خاين العشرة والصداقه تخيلوا انه لما جا معي للكويت

وكانت جدتي ميته ما علمته عشان ما اضيق صدره
وخطبتله بنت الجيران الي

كانت في الاساس خطيبتي وفضلته على نفسي ولما جيته محتاج عطاني فضله

عشاه

---------------

تدرون وش قال السعودي....؟؟؟؟



قال اسمعوا واحكموا علي ......انا يوم جاني الكويتي وهو محتاج

ماحبيت اشوفه على حالته هذي عقب ماكان تاجار وكبير اشوفه صغير ومحتاج واتفضل

عليه بشي من عندي وعشان كذا عطيته فضله عشاي



وبا النسبه للتاجرين الي متراهنين على المليون هذولي اخواني انا مروحهم له

عشان يفكون ضيقته

اما با النسبه للعجوز الي معاها البنت فهاذي امي والبنت هذي طبعا اختي

وش رايكم يالربع ما احضر زواج اختي؟

انا اقول احضر وبيض الله وجهك
واشهد انك كفيت ووفيت
ان كانت السالفه حقيقيه وانك رديت المعرووف
دبل وثري

منقووووول