هنا تسجيل لزلات اللسان (ما رأيكم فيه؟؟؟؟؟؟)

أحيانا ينتج عن زلات اللسان مواقف طريفة جدّا.. أقترح هنا أن يقوم كل بتسجيل "زلّة لسان" طريفة لإدخال السرور على الجميع..

ولكن بشرط:

أن تكون النكتة نظيفة مهذبة مؤدبة ولا فيها تجاوز على الدين والأفراد والقبائل.. ترى ما نضحك بعدين..

هذه عجوز كلّمها ولد ولدها من الرياض يبشرها أن الله رزقه بولد ..

ابن الولد: سلام يا جدّة!!

أرحب . عبدالله!! أخذني موتك .. عساك يخير.. وبشرني عن عوالك..

عبدالله: ابشرك انّا بخير كلنا وجا لي ولد..

الكهلة: أوف أخذني موت موتك.. عسى الله يرزقك .. ومذا سميتوه..

عبدالله: سميناه نـــَادر..


الكهلة: أيش؟! تقول سميتوه كَـنـــَـادر !!!!

عبدالله: يسقط على الأرض من الضحك......

المصيبة إنها صارت عيرة الولد منذ نعومة أظفاره وقبل تسجيله لدى الأحوال المدنيـــّــة...

في انتظار تسجيلاتكم....

صدريدكو.....

345usx) ;tr5s4) ;tr5s4) ;tr5s4)

صدريد تحياتى لك
لاتعليق ههههههههههههههههههههههههه;tr5s4)

زمان مات لزوجة عمي بقره واظن بل اجزم إن سبب موتها .. عين حسود .
وبينما كنا ننظر إلى البقره في الحوش وهي ميته ومثلكم عارف كانت مثل واحد من العوال ..
وكانت أ جواء الحزن تسود الموقف .. لماذا .. لا.. ماقلنا انها مثل وحدة من العوال ..
الله الله ياخلق الله
وفجأة دخل علينا واحد من الجماعه وكان صاحب غفله خطيره يعني مايراكب كلمتين إلا ويجيب مطبقة ..
قال سلام عليكم الله يعيظكم خير .. قلنا اللهم امين .
قال : مذا ياهاااااا الله الخيره ..
قالت مرت عمي والله ان قدلها ( ياين) اسبوع وهي مريضة إم قعدنا إلى صبح اليوم ام اخذت حقها من الله ..
قال : أيـذاها مرضت خلف ماتت !!!
وهو اللي قالها ؟؟؟ ولا عاد صبرنا .. وهاتك ياضحك ..هههههههههههههه

من الصبح وحنا محزنين على الهيشه ( مجاملة لمرت عمي ) ودنا باي عذر ونخرج من الجو اللي حنا فيه ..
وجاء الفرج على يده
الله يغفر للحي منهم ويرحم الميت ..
ويغفرلنا ولكم ولاخواننا المسلمين ..

وينك ياصدريد بعدين لاتعلق على الموضوع على طول خش في الموقف الجديد ..

[shdw]وهنا مسمار التثبيت ....تحياتي لكم ..موضوع رائع ....ننتظر جديدك..[/shdw]

تحياتي

كنت بتبوك زمان والوالده الله يخليها لي ويطول بعمرها بالريض
واني اتصل عليها واسلم عليها واش اخبارك يايمه
ما لكم بطول السالف جلست معها يمكن نصف ساعه
الا وهي تقول عاين عمتك عزيزه هنيه ودك تسلم عليها

قلت منهي عمتي عزيزه عاد عندي كم عمه بالاسم ذا
كلهم كهيل اليماعه عمات خلاف عمتي الحقيقيه
قالت مرت فلان

مرت فلان ذي السياره تخاف منها ما تركبها وانا
ما دخلت مخي كيف وصلت الرياض قلت لمي
كيف جات قالت طايره قلت الله تطورنا في بالي

بس وشلون وصلت من الديره الى المطار المهم
عديتها قلت فيه تحسن ان شاء الله

عاد قلت لامي عطيني اياها اسلم عليها

اخذت السماعه وانا اقول سلام ياعمه اخبارك عساك طيبه
صاحت على امي يافلانه ياوابه والله لاهوب هوه
ام سكري السماعه في وجهي
وانا قعدت مع ومي قبلها نصف ساعه
اللى في الشارع وقتهى قالو ذا سكران قاعد عند
الكبينه ومتكى على الجدار ميت من الضحك

حياك الله اخي صدريد يعطيك العافية على هالموضوع

اكيد زلات اللسان كثيره بقولكم شي منها

طبعاّ كان فيه عجوز جتها مكالمة من ولده من تهامة وجلست تسولفله

يوم خلصو المكالمة جت بتقول لولدها مشكور يا سعيد على المكالمة (قالتله مشكور على

الملاكمة)

الله يرحمها انشاء الله

وتقبل خالص تحياتي اختك

دلع

وشفيكم ماعاد كملتو كل ذا كسل ما ضنيت

اقولكم زلت لسان على كيف كيفكم وتوها صارت من يوم كذا

جالسين بامان الله نطالع تلفزيون الايطلع عبادي الجوهر يغني

طبعاّ المكان احد المستشفيات الخاصة بالشرقية وكانت المرافقة وحده من

الجماعة طبعاّ وبكل براءة قالتلي (عاني خرطبوش العود ذا يقولون عنه)(انقلب من اخطبوط العود )

وتعالو دورو كل من سمع هالكلمة الظاهر بكو من كثر الضحك

يالله تحركو وهات مواقف ..............

تحياتي للجميع

دلع345usx) 345usx)

صدريدكو

تحياتي لك واشكر الجميع

فيه واحد من الجماعه التزم إلتزام قوي الله يوفقه
عموماً مالك بطول السالفه
مسك امه وقال ما عاد ابيك تكشفين على احد
امه عجوز
بعد يومين من كلامه لها
لقاها بالوادي تسولف مع شايب
صاح عليها يمه انا وش قلت لك
ما قلت لا عاد تسولفين مع الرجال

كانت تسولف مع واحد اسمه ظافر شايب

قالت ياومه ياولدي امهو ظافر ريال

ههههههههههههههههههه

حسبي الله عليكم والله دخت من الضحك

وخاصة سالفه المسكت

ياومه يا ولدي امهو ظافر ريال


خلوني أشارككم بذي

يوم الله رزقني ببنتي

جيت عند امي وابوي

قلت: خلاص سميتها ( الجوري ) ولا اسمعتني امي زين

وقالت : هاه ويش ( رجولي )

هههههههههههه

وصارو اخواني والشباب ما سكينها

يووووووه يا انا

والله يا علي مطمات

موضوع رائق جداً 000 سالفة الهيشة وخرطبوش العود تموت من الضحك 000


- هذا واحد من قرية (000 ) لقي له اثنين من شباب قريتهم يبغى يطلبهم يجيبون له بلك من حلباء قال لهم ياعبدالله انت ومصلح سيروا هبوني بلك في حلباء 0

- وهذا هو نفسه يعزم له مصلح راعي البلوك مر من عند بيته قال تعال تعشي معي يا مصلح والله ما نتكلف ناعمك بنطبخ حبتين رز وصفحة دجاج 0

- ونفسه هذا الشائب لقي حسيلة لجارهم فقام ربطها وراء السور فعلم عمه فقال يا عم ييني لقيت الحسيلة و000؟؟؟ وراء السور !!!! قاله الله يفشلك راعي ضيعة ما لقيت الا الحسيلة !!!!

السلام عليكم
بصراحه مواقف زينه بس عاد موقفي انا راح اقوله بكل صراحه
مره من الاعياد عاد ترفون الاهل والاقارب لازم انزور بعض
المهم
زارنا جدي واعياله وسلم عينا وعيد علينا ولا اخفيكم بعد العيديه زينه والله
المهم تمت السوالف والوناسه بينا ولمن قال جدي يبي يزور جيرانا عشان بعد ايعيد عليهم قام ايسلم على ابوي وامي وعلينا ولمن جاء ايسلم علي انا المفروض اقول الله وياك يا جدي .
اللي صار العكس قمت اقول له شلون جدي .. واهو له كم ساعه معنا بالبيت عاد اخذت من الاحراج ما يكفيني وازياده من اخواني واهلي كلهم
عاد اتحملوني اشوي ادري حوبه سالفتي بس حبيت اشارك
تحيااااتي لكم


اختكم ............... بنتــ ابوهــــا

حياكم الله جميع ومن جد عليكم زلات جميله اوي اوي

عاد ذي زلة السان بس تموت من الضحك وتفشل بس مضره اقولكم عليها

طبعاّ الواحد لصار يدخل للحمام ويكرمون القراء يقول اعوذ بالله من

الخبث والخبائث اكيد وهذا المعروف وماعمرنا سمعنا احد يقول 123

وش سباق هوه اتمنى فهمتو قصدي لانى من جد يفشل

تحياتي للجميع واعذروني على هالزله

اختكم

دلع

هههههههههههههههههههههههههههههههههههههههههههههههههه ههه

الله يعطيك الف عافيه صدريد


برضه مسلتم العجايز
خخخخخخخخخخخخخ

تسلم اخوي