لا بلاك الله بعاقه 000 من مقاريد الرفاقه !!

هذه قصيدة أعجبتني ونقلتها لكم ، قصيدة للشاعر / (( صقر النصافي )) .. أتمنى أن تنال على إعجابكم

إليكم القصيدة :

قـال مـن وصــى عيـالـه والـدهـر لـهـم شكـالـه

مــن تـبـع درب الـرزالــه فالمـجـالـس تشـنـعـه

يـاعـيـالــي كـلــكــم افـطــنــوا فـــــي حــالــكــم

الــتــفـــرق ذلــــكــــم والــتــجــمــع مــنــفــعــه

الفقيـر ليـا نصـاكـم فــي رجــا الله ثــم رجـاكـم

لا تخلـونـه مــن عطـاكـم كــل مــا جــاه اقنـعـه

يامهلهل شف اخوانك صوبهم وصوب شانـك

احتـفـظ عـلـى لسـانـك عنـهـم والـغـيـظ ادفـعــه

يامسـلّـم وانــا ابــوك الـعـرب وان صاحـبـوك

مايـعـزك غـيـر اخــوك كــل مــن قــال اتبـعـه

وانــت يابـنـي افتـكـر خــل قـولــي لـــك ذكـــر

وفـقــة الـطـيــب شــكــر والــــردي لا تـتـبـعـه

والقصيـر امسـوا بحقـه لـو تجـي منـه المشـقـه

او نــواه القـلـب بـدقــه اطـــو بـيـتـك واشـلـعـه

وللـخـوي حــق عليـكـم تجعلـونـه مــن حـديـكـم

كــان شـفـي فــي يديـكـم لـيـن يـوصـل مربـعـه

ان تجمل ذا اشكروا لـه وان تـردى عبـر ذا لـه

لــو تـجــرّا بـعــض قـولــه غـصـتـه بالمبـلـعـه

لا بـــلاك الله بـعـاقـه مـــن مـقـاريـد الـرفـاقــه

لاتــوريــه الـحـمـاقــه لــيـــن ربـــــك يـقـلـعــه

عـنـد نفخـاتـه وريــده خـــل شـوفـاتـك بـعـيـده

ثـــم عـقـبــه لا تـعـيــده الـسـعــه ثــــم الـسـعــه

الـرجــال بـهــم ثـقـيـل كـــل عـمــره مـايـعـيـل

وان طـمـع فـيـه الذلـيـل عــن طريـقـه يصفـعـه

ان بغيـتـه بالـمـروه شـفــت نـــو الـخـيـر نـــوه

وان بغـيـت مـنـه تــوه طــز عيـنـك باصـبـعـه

كـم صبـيٍ كــل يــوم يعـتـزي مــن غـيـر قــوم

وان تـنـاطـحـوا الــقــروم مـايـدانــي الـقـرقـعـه

الـشـكـالــه لـلــرخــوم يحـسـبـونـهـم الـــقـــروم

وقـت مايبـدي اللـزوم عشرهـم يصفـي اربـعـه

والحمـق يحـدث مـضـره يلـحـق العـقـال شــره

لا نــــواه الـقـلــب مــــره قــالــوا الله يـقـطـعــه

الـرجــال بـهــم حـلـيـم لايــضــام ولا يـضـيــم

فـــي زمـانــك ذا عـديــم والـحـقـوق مـشـرعــه

والحريـم فيهـن طبايـع فيـهـن التجهـيـد ضـايـع

لـو فيهـن عـنـود وطـايـع كــل الاكـثـر منـدعـه

النصيحـة مــا يبـنّـه والخـمـال يــد حـمـر مـنـه

لــو بـغـن شـــي يـجـنـه لـــو علـيـهـن مسـبـعـه

لــو تقـولـون العـجـوز عــن طبايـعـهـا تـجــوز

عـنـد طـاريـهـا تـفــوز تـركــض ام الـدردعــه

لونها فـي زي ضبعـه مالهـا مـن العمـر شبعـه

كــل مـخـلـوق وطـبـعـه خـاســر مـــن طـمـعـه

ثـــم فـيـهـن غشـمـريـه صـايـبـه ومـجـازعـيـه

عـنـد ضحـكـات الثنـيـة كـــل مـــا جـــا تلـقـعـه

السفـيـه الـلـي نظـرهـا دايــم يـركـض باثـرهـا

عــارف ان مــا قـدرهــا بـــس يـلـهـث مـدلـعـه

والفطيـن اللـي عرفهـا كـف رجلـه مـن طرفهـا

عــارفٍ انــه ماخرفـهـا لــو تصـيـر مهـوفـعـه

والتمنـي مـا يفـيـد مـثـل طـيـر طــار مــن ايــد

لــو بغيـتـه مــا تصـيـد بالـهـوى مـــن بـرقـعـه

ثــم فيـهـن سيعـريـه تـاكـل مــا تـنـظـف يـديــه

الــردى مـاهـي رديــه مـيــر مـــا جـــا تبـلـعـه

رجلهـا لـو جـاب واجــد عنـدهـا مـاهـو بـواحـد

ان سـكـت بالـفـقـر سـاجــد وان تـكـلـم تسـبـعـه

ان تكلمـت انفضحـت وان تغاضيـت انجرحـت

وان سكـت فهـي نتّـفـت نـتـف ريــش القوبـعـه

تنصحك وهـي العـدوه وانـت تحسبهـا الحمـوه

وتـظـن بـهـا الـمـروه حـبـل وصـلــك تقـطـعـه

وفيهن مـن عقلهـا خريـق ورجلهـا ماهـي تليـق

دايــــم بهـالـفـريـق وهـرجــهــا لـــــه قـرقــعــه

وفيهـن مـن زينـهـا عـديـم ذرابــه عقـلـه سقـيـم

مـــا بـــوده لـــك سـلـيـم لـــو خـلـوقـه درعــــه

وفيهن مـن عقلـه ثبـات زينهـا مـن الموسطـات

مسـتـوره مــن البـنـات عقلـهـا ومـعــه الـسـعـه

وفيهن من عمره نصوف في حلالك له تروف

لــو حـلالـك عــد الـــوف كـــل شـــي بسـنـعـه

وفهيـن مـن توخـذ بمالـه عمرهـا مـابـه جمـالـه

تبغـيـه وحــلال عيـالـه قــل عـسـى الله يشلـعـه

وفيهـن مـن لــك عــذاب لونـهـا بشـبـه غــراب

كــــان تـسـمــع لـلـجــواب بـالـهـبـايـا تـدفــعــه

مايطيع اهـل النصيحـه لابـس ثـوب الفضيحـه

دايـــم رجــلــه مـشـيـحـه وبـالـعـوايـد مـولـعــه