سيد الجود سلطان

يالله يا معبود يا عالي الشـــــــــآن = يا محصي الأرواح يوم القيــــــــامه
تحفظ لنا آل سعود حكام الأوطـــان = أهل السياسه والكرم والشهــــــــامه
وأطلبك تشفي سيد الجود سلطـــان = والحمد لك يومٍ رجع بالســــــــلامه
بو خالد اللي صار للجود عنـــــوان = مدت يمينه مثل وبل الغمــــــــــامه
ذروة سنام المجد في كل ألأزمــــان = راعي السياسه والشرف والزعــــــامه
زبن الدخيل ومسعفٍ كل مرضـــان = نور الوجيه اللي غشتها العتـــــــامه
يمد كفه لليتامى بالإحســـــــــان = ويقابل أنواع البشر بإبتســـــــــــامه
بشاشته تطفي غضب كل زعــــلان = والخير في مبداه والسعد أمـــــــــامه
ياسيدي في غيبتك كل إنســـــــان = يدعي ودمعه دوم يسبق كــــــــلامه
إنه يردك للوطن وأنت بأمــــــــآن = وينجيك من جور الزمـــــان و الآمه
واليوم كل الشعب فرح وطربـــــان = ومن الطرب ترقص قصور اليمـــــامه
وش لون ما نفرح وفي الدار سلطـان = بو خالد اللي عاد له بالســـــــــلامه
وصلاة ربي عد ما هل هتــــــــان = على الرسول أحلى القصيد وختـــامه