متوسطن من بين عمه وخاله ....

أحد الزملاء بعث لي بهذه القصيده عبر الجوال كا أي رساله ترسل ولكني أعجبت بما تحمله من معاني شامخه
أحببت أن تكون أمام أعينكم ولكم التقدير ...

الطيب فرصه والجمايل توافيق = ومن لاتوفق ماكتب له جماله
ومن لارقى للطيب روس الشواهيق = مازان له وقته على ما بداله
ومادام لفعول الجمايل عشاشيق = كسب الجمايل مايجي بالسهاله
ولو أنها تشرب مع فكة الريق = كلن خذا له كل ما أصبح بياله
والطيب منوه للقلوب المشافيق = كلن يتوق ومنوته راس ماله
والمدح ما يزهى على الرجل ويليق = إلا ليا صارت وافيات خصاله
يستاهله رجلن يفك المزانيق = اللي يقال ونعـم لا جاء مجاله
ومن ساقته نفسه وهو ما بعد سيق = لأجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = مانعرف الرجال لين أنعناله
والكفو تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطن من بين عمه وخاله
واللي يطيق ولا بغى قال ما أطيق = تحرم عليه المرجله والشكاله
والهينه تكبر على اللاش والهيق = له في الرخا قاله وفي الضيق قاله
والطيب شاره والضماير صناديق = واللاش طيبه ما تعدى ظلاله
وأنا أسبر قلوب الرجال المغاليق = والصامت أقطع غايته من مقاله
ومادام في الدنيا رجال ومطاليق = نصيتهم واللاش مالي وماله

الطيب فرصه والجمايـل توافيـق .......ومن لاتوفق ماكتـب لـه جمالـه

موفق يا غلاي قصيده في منتهى الجمال والروعه
صح لسان قايلها وسلمت يمين ناقلها
فالك الطيب يا غالي










ومن ساقته نفسه وهو ما بعد سيق ......لأجـل الجميـل يزيـن الله فالـه

غلا.......ي

رووعه وكلك ذووق

يعطيك العافيه ولاعدمنااك

احترامي وتقديري

اخووك

فارس بني عمرو

الله يسلم قلبك أسعدني وتواصلك الرائع
ولك التقدير

المسكت

من زمان ما قلت لك جاكم الحلو المسكت ....
الروعه في مرورك الكريم ولك التقدير

غلا....ي :
نقل راااااااااائع وقصيده جدا جميله .
تصدق عاد ودي يشوفها واحد في بالي لعل وعسى

والمدح مايزهى على الرجل ويليق إلا ليا صارت وافيات خصالة

والكفو تظهر فزعتة حزت الضيق وينشاف في الشدة بعين العدالة


غلاي00 تسلم يمينك على هالقصيدة الرائعة00تقبل مروري
تحياتي

الف شكر لك استاذنا غلاي على هذا الطرح
.
.

وتستحق الاهداء ..

.

وصح لسانك ولسان قايلها

.

.


دمت بود

والكفو تظهر فزعته حزة الضيـق وينشاف في الشده بعيـن العدالـه


غلا...ي


تسلم اناملك الي امتعتنا بكل جميل وذوق رائع

وتقبلي كل التقدير والاحترام

ظـــافـر العــمري

نقل مميز وقصيدة مليئة بالحكم

واللي يطيق ولا بغى قال ما أطيق = تحرم عليـه المرجلـه والشكالـه

عجاج السنيني

الروعه في حضورك ونحن في ساحة الشعر
لك التقدير

روح البنفسج

الله يسلمك ويسلم مرسلها وشكراً لطلتك
لك التقدير

بقايا عاشق

يا سيدي يكفي وصولك والعشاق ليس بغريب تشريفهم لنا ...
صح بدنك ولك التقدير

ظافر العمري

الله يطول بعمرك يارب وأنت الذوق كله ....
دمت طيب

سعيد بن شفياء

أسعدني تواجدك ودمت بعافيه