الا يا اهل غزة مالكم غير ربي عون ! ! ! !

الا يا اهل غزة مالكم غير ربي عون
فلا عاد تدعون الضعـيّـف وترجونه
.
ترى حالهم من دون في دون والى دون
ولو صار ضجة روسهم تحت مدفونة
.
ولا فيهم الآسف ولا فيهم المغبون
وكل ٍ يهمه عرش حكمه ومليونه
.
ولو يشجب الكاذب ويستنكر الملسون
تراها هروج ٍ كلها مثل بلونة
.
الا يا عيوني هلي الدمع والمكنون
ترى خاطري ضايقْ . . ترى النفس محزونة
.
الا كيف ما نحزن وفي كل يوم طعون
وغزة با يادي دولة الكفر مرهونة !