سامي وزيدان ورونالدو؟؟؟؟؟؟

هههههههههههههههههههههههههههه ياخي والله اللي كتبها (خبل)


ترررن .. ترررن............... ترررن .. ترررن

[RIGHT]رونالدو: ألو

منسق مباراة أصدقاء زيدان ورونالدو: مساك الله بالخير طال عمرك

رونالدو: هلا غوميز.. شخبار التجهيزات

المنسق: كل شي تمام ويسر الخاطر

رونالدو: عساك على القوة

المنسق: أقول طال عمرك ودي أكلمك بمويضيع

رونالدو: إختصر تراني مشغول شوي

المنسق: أبد. بس... أأأأأ... يعني...

رونالدو: شفيك؟!! لايكون محتاج دراهم! ترى لايردك إلا لسانك ياغوميز

المنسق: ماتقصر طال عمرك لا خلا ولا عدم.. بس الموضوع مهب موضوع سلف

رونالدو: عجل؟

المنسق: (والله أم الإحراج.. ) بصراحة... في لاعب ودي إنك توافق إنه يلعب معاك في المبارة الخيرية

رونالدو: لاعب! أي لاعب؟ بعدين إحنا إخترناهم كلهم اولريدي

المنسق: لا هذا مهب في اللستة.. بس مستعد يسوي اللي تبيه عشان يلعب المباراة

رونالدو: والله فريقي كامل.. ورى ماتكلم زيدان.. أخبره للحين يدوّر لعيبه

المنسق: توني مسكّر منه

رونالدو: أيه.!؟

المنسق: ياخي هذا زيدان عصبي شوي

رونالدو: شقال لك؟

المنسق: والله مادري..أول ما طرّيت له إسم هاللاعب قام يرطن بالفرنسي وهو معصب. وبعدين سمعت صوت زي صوت التفلة.. وصك بوجهي!

رونالدو: ليه. من هو هاللاعب؟!

المنسق: لاعب سعودي.. يقاله.. سامي الجابر

رونالدو: لحووول. الحين ما افتكينا من هالمغاربة ...بعد بتجيبلي سعودي.. ترى الفكرة إن اللي يشاركون لاعبين عالميين

المنسق: أبشرك هذا لاعب عالمي وشارك في أربع دورات كأس عالم

رونالدو: لا! غريبة ما قد سمعت فيه! وش مركزة؟

المنسق: رأس حربة

رونالدو: أها.. زيي يعني.. أجل هدّاف.. إلا كم عدد أهدافه مع المنتخب

المنسق: هاه... 26

رونالدو: غريبة.. ليه كم مباراة دولية؟

المنسق: 162 مباراة

رونالدو: عفواً!!!!!! شيللي 26 هدف في 162 مباراة!! متأكد ذا رأس حربة ولا رأس شيشة!! لا يكون مدافع وإنت ما إنتبهت!

المنسق: لا طال عمرك.. رأس حربة.. حتى جايب 3 أهداف في كأس العالم

رونالدو: على مين؟

المنسق: بلنتي في المغرب..وبلنتي في جنوب أفريقيا.وهدف في تونس

رونالدو: إنت مكثر العيار اليوم؟!! هذا لعب في كأس العالم ولا بطولة أفريقيا!!!!! أصبر خلني أبحث عنه في النت.. لحظة...

لحظة ..... سنتر 9 !!!!! وشو ذا اللقب؟! يعني جايب 9 أهداف من السنتر؟!!

المنسق: هاه... لا طال عمرك... بس هذي عيارته.. يوم إنه يسنتر 9 مرات في مباراة المانيا

رونالدو: أقول إذلف لا أتوطى في بطنك (وقالها بلغة برتغالية فصحى)

المنسق: تكفى طلبتك توافق.. تكفى

رونالدو: الحين قول لي. إنت ليش مهتم فيه لهالدرجة ؟!!!

المنسق: ودي أعدل من أوضاعي شوي. خبرك أسواق الأسهم حاست مذهبي

رونالدو: عندنا وعندك خير.. بس وش علاقة ذا في ذا؟

المنسق: والله ياطويل العمر. معروضٍ علي مبالغ محترمة.. من كم أمير عندهم

رونالدو: الحين فهمت!!! أجل السالفة إنك تبي تسترزق من ورا أبو سنتر

المنسق: هذا غير الضغوط اللي علي من أبو خطط علمية مدروسة.. خبرك أنا سمسار لعيبه.. وودي أسترزق عندهم

رونالدو: وش ذا أبو خطط بعد؟

المنسق: ما علينا طال عمرك. هاه شقلت؟ طلبتك توافق.. حتى في أمير عندهم عرض يشتري نص التذاكر ويوزعهم بلاش

رونالدو: حشا مهب صاحي

المنسق: تكفى وافق يابو غايب

رونالدو: إنزين أذيتنا.. بس شف

المنسق: سم طال عمرك

رونالدو: أولاً- لا ينزل الملعب وأنا فيه.. ترى بالعن خيرك

المنسق: تامر طال عمرك.. نخليه ينزل آخر 10 دقايق من الشوط الأول بعد ماتطلع..

رونالدو: إيه حدّه عشر دقايق وبعدين يقضب الشارع.. ولا أقولك. مايصير ننزلة ثلاث دقايق؟! لا. لا.عيب أخاف مايمديه يسنتر

المنسق: اللي تبيه طال عمرك

رونالدو: ثانياً- ما يقعد معانا على الدكة

المنسق: وين يقعد!!!

رونالدو: مهب شغلي.. في المدرج.. في المواقف.. المهم ما أشوفه جنبنا

المنسق: إبشر طال عمرك أنا أتصرف

رونالدو: ثالثاً- مانيب معطيه تبديلة

المنسق: شلون طال عمرك. يعني يلعب بثيابه!!!

رونالدو: والله مهب شغلي. يبي تبديله.. يدفع

المنسق: إيه إيه مو مشكله يدفع

رونالدو: مية ألف يورو (خلنا ندفّع هالمهبل)

المنسق: بلّ.. شكلها واجد. بس إزهله.. بيدفعون طال عمرك

رونالدو: ترى والله إني وافقت بس عشانك يا قوميز وعشان أمك هالعجيّز.. وأبيك تسترزق

المنسق: جعلك سالم.. وماقصرت.. وبيّض الله وجهك.. ومانيب ناسيلك هالمعروف طول عمري

رونالدو: لا أبد تستاهل

المنسق: هممممم.. أأأأأأأأ.... هممممممم..

رونالدو: شفيك؟! شعندك بعد؟

المنسق: لا ... بس.. أأأأ.. عندي طليبٍ صغيّيييييير

رونالدو: ماحنب خالصين اليوم.. وشو؟

المنسق: هو يقول.. يبي... هممممم... يعني.. يبي يكون الكابتن

رونالدو: خرى عليك وعلى ************************************************** ****** ( تم حذف السابق لكثرة إستخدام الألفاظ والمسبّات الشوارعية على المنسق وأم المنسق واللاعب اللي جايبه..وووو...وووو.. )

المنسق: أسف.. أسف. طال عمرك.. تكفى هدّي نفسك...

طووووووووووووووووووووووووووووووووووووط.

ابوطيف[/RIGHT]

هههههههههههههههههههههههههههه يا بنطني

بس الحقيقة إن إللي سواها ماهو إلا حاقد ....... وسلامتك

ههههههههههههههههههه

مشكور عالنقل

المشاركة الأصلية كتبت بواسطة سعيد بن شفياء

هههههههههههههههههههههههههههه يا بنطني

بس الحقيقة إن إللي سواها ماهو إلا حاقد ....... وسلامتك

الف شكر على المرور
بالنسبة للحقد مااعتقد الكلام صحيح بس بطريقه فكاهيه
ابوطيف

المشاركة الأصلية كتبت بواسطة فارس الدارين

ههههههههههههههههههه

مشكور عالنقل

الف الف الف الف الف الف الف شكر على المرور الكريم
ابوطيف

ماكذب..
ييه صادج..

المشاركة الأصلية كتبت بواسطة سعيد بن شفياء

إللي سواها ماهو إلا حاقد

صدقت يبو سيف!

المشاركة الأصلية كتبت بواسطة عود الليل

صدقت يبو سيف!

الف شكر على مرورك ايها الزعيم من ناحية حاقد مايبغالها كلام بس انا نقلتها
تحياتي لك ودمت بخير
ابوطيف