تهاوشنا على فيصل اليامي .........طلعت معاي هذي القصيده

السلام عليكم ورحمة الله وبركاته

القصه وبلى طواله مره من المماريت ياطوال الاعمار ..
نحكي انا وبنات جيرانا عن الشعر وام جيرانا واشعارها وبنتها تضحك بها لانها ما تقول قصيده الا وتذكر فيها الموز ...
( اشدخل الموز بالشعر الله يهديها ام جيرانا )

الموهم وكنا نتكلم عن الشعراء وتعرفون حكاوي البنات الشاعر المفضل والقصايد ومن هنا وهناك ... وصلنا لفيصل اليامي

يانااااااااااااس شاعر رقيق وصوته يخقق ... بس مو حلو مايعجبني انا حره مو ستايلي
وحده قامت تقول انتن ليس من حقكن ان تقلن ارائكن في الرجال
( رجال حلو وهذاك وسيم وهذاك شيفه .. الجمال للبنات وبس الرجال هم اللي من حقهم يحكمون عليكم بالحلى ) .... اروح سلطه انا بس على ذا المبدأ

تهاوشنا ولو ماالله ستر ومرت وحده من الحريم تغير لبزرها كان تساحبنا بالشوش ... بعد ماخلصت العزيمه وشلينا كل اثر نسواني ناتج عن اجتماع الجيران وبزارينهم اللي مسوينا بيتنا سينما عشان الفيديو عندنا بس جاء الليل وجاء الالهام وكتبت هذه القصيده
اتمنى ان تعجبكم ياقوم .. خصا نصا البنات


يبــــغوني اوصف من بين هالناس رجال
يملك قليبي واهدي له العمر عرفان

اتمـــــــناه ليــل ونهار ... والدمــع همال
اتخيل القاه ويصادفــني متعب ولهان

عــجزت القى انســان لهقــــــــوتي ميال
مطلبي سهل صعب وكلهم غدواخوان

سايرتهـم ودورت بينـــــــهم رجال رجال
وللاسف مالقيت لي ابد .. هالانسان




هالانســــان اشوفه واقـــــــع حلم وآمال
افكر فيه والعقــــل قبل القلب حيران

عريـــض المنكبين.. بهي الطله... خيال
طويل القــوام اســمر اللــــون مليان

ولان الرجـــــــــال ماهي بالاشكال رجال
ابغاه حليم.. وكريم... وغيور احيان

ما يعـــرف الغدر ولا يماشي كـــل حيال
متعلق بربــه خابـــر اماكن..وازمان

رايـه سديد .. وحكــــمته شـــــــي فعال
يسكتني كلامه ومـاعنده احد خسران

كـــلامه ثــابت دايــــم الـــــدوم .. قـتال
الصح مسلكه ويعترف ان كان غلطان

يحــب اهله ويعـــتزي بالــــــحق شيال
للثقيله وما يعطي للفتنه لسان وآذان

التــجي له لاجارت علي هموم... ثقـال
واحتمي به بعد ربي وماارتجي انهان

اشيله للزمـــن وادري به بعد ..حمال
للعــــنا وشـــــقا الدرب عونه الكتمان

يحترمه الكل صغار.. وحريم ..ورجال
لانه راعي النخــــــــوه وانبل الفرسان

اتوه بحـــــضوره واقضــي ايــام وليال
اعيش بنظرته افراح.. لحظه..واحزان




جمعت الرجال وفرقت الشيــــم اوصال
مالقيت لي من يسلب العقل والوجدان

اسلي روحــــي بالحلم وقــــــــول قوال
واعزي خافقي الموهم بنعمه النسيان

ضـــــــــــاع الامل وكان انسان ومازال
مستحيل وجوده علـــــــى كثر الاوطان
........... وسلامتكم ..................

اذا طابتلكم علموني والله الله بالتصويت
اختكم في الله ناويه تشارك بشاعر المليون الله الله
:110103_hl opaet_prv:

عمريه والحلا ليه:: بارك الله فيك صح الله لسانك ويكفي


جمعت الرجال وفرقت الشيــــم اوصال
مالقيت لي من يسلب العقل والوجدان

اسلي روحــــي بالحلم وقــــــــول قوال
واعزي خافقي الموهم بنعمه النسيان

ضـــــــــــاع الامل وكان انسان ومازال
مستحيل وجوده علـــــــى كثر الاوطان

شرفني مرورك اخوي بن ظافر
شهادتك تكفيني

وين التعليقات
مافي تشجيع للشعر واهله
رد ماشفنا بنشوف تصويت اشك

صح لسانك لكن أبشتغل غسان تجريبي اليوم

القصيده خاليه من الوزن مجرد أنك التزمتي بالقافيه في الكلمات الأخيره من كل شطر دون وزن ..

على كذا لا تروحين شاعر المليون والله تقعدين بها ..

يكفي أنك اجتهدتي ولكن ليس كل من قال كلمات منمقه بشاعر ..

تقبلي مروري وتعليقي

أسيــ الظلام ــر

صح لسانك لكن أبشتغل غسان تجريبي اليوم

القصيده خاليه من الوزن مجرد أنك التزمتي بالقافيه في الكلمات الأخيره من كل شطر دون وزن ..

على كذا لا تروحين شاعر المليون والله تقعدين بها ..

يكفي أنك اجتهدتي ولكن ليس كل من قال كلمات منمقه بشاعر ..



تقبلي مروري وتعليقي

أسيــ الظلام ــر

شرفني مرورك وردك اخي الكريم
والاختلاف لا يفسد للود قضية
وانا كتبت القصيده قبل 5 سنين
وماادعي اني شاعره ولا اهتم بالوزن والقافيه انا اكتب احساسي وبس
ومو تخصصي لغات ولا لي بالادب وفنون الشعر وقوافيه
الا ان كان بتسوون امسيات ببني عمر هذا شي ثاني نحاول نتطور

وتطمن مانيب رايحه مكان البيرق قطري قطري

الاخت عمريه والحلا ليــــــــك!!
محاولتك جيده ..وارجو منك قبول هذه النصيحة !!
عند كتابتك للشعر لآبد الالتزام باللحن مع الوزن والقافية !!
فلا يمكن أن تزبط أي قصيدة مالم يكون لها لحن .. وبرضه حاولي كتابة
القصائد القصيرة في البداية وأنا متأكد من قدرتك على كتابة الشعر
والدليل ما أجده من كلمات معبرة في هذا القصيدة ..

كما ارجو منك قبول هذا الرد على بعض ابيات قصيدتك وليس جميعها ..



ســلام ياورد على الغصــــن ميال
اراه يزهـــــا بين برك وريحـــــان

يا اللي تبي من كل هالناس رجال
وصفه عجيب بين بدعك وعنوان

إن قلت شاعر! فالشعر لحن وموال
ومـــثله مـــثل من قال شعر وقيفان

وباقي الوصف عادي مثل أي رجال
لكــن ! له مــذهب ولــــيا أنا اديان

وافــــخر بربعك ذاك عـــم وذا خال
اللي لــهم في صفحة الــعز عنوان

يا بنت أنا رأسي على الدوم مختال
عــمري وكلي فخر في كل الازمان

بنيت لي في قــــــمة المـــجد منزال
وكني على الاوطان حاكم وسلطان

ومن طولوا رأسه نواعيم ما طال
يادوب يمشي بين مطرب وفنان


تقبلي مروري....

بنيت لي في قــــــمة المـــجد منزال
وكني على الاوطان حاكم وسلطان

ومن طولوا رأسه نواعيم ما طال
يادوب يمشي بين مطرب وفنان

صح لسانك يالطيب

وعلمك وصل وهذي قصيده بنات × بنات قعده لفك المجلس لا تخاف

وباقي الوصف عادي مثل أي رجال
لكــن ! له مــذهب ولــــيا أنا اديان

مو عادي مثل هذا الرجال مالقيت لو لقيته
خطبته انا خل عنك

بس اكيد الدنيا ما تخلى لو خليت خربت


تقبل مني هذي الابيات

مشكور يا ولد عم بالعز مختال
شرواك طيب ومنكم اجناس والوان

ترى الكـلام اخذ وعطى ونزال
ومــا كل رجل كفـــانا غدر الازمان

النــاقص بلا زود عــلى كل حال
وما يعــــلم الخافي الا رب الاكوان

صدق ماكل هامه ترضى بالاذلال
وما ينقص الشي من مثــــله احيان

فيكم شهم ونذل وتتفرقون اشكال
وهذا بعــض مما يعيشه اي انسان


سوررررررى على الرد السريع استرجلتها
بس شدتني ابياتك حبيت ارد يالطيب

وماوزنتها بعد لا تحاول صوتي مو حلو مااعرف اغني شسوي <<< امزح

مشكور وماقصرت لاهنت يالاخو ومرحبا بك ستين × ستين
واذا عندك اي ملاحظات فلا نكره كلنا اخوان ومافي اي شي
يسلم عمرك المحترف نورتني وشرفتني

[TABLE1="width:95%;"]

أسلمي يا راعية الحلا..
كلاااامك يهبل ..
تحياااااااااااتي

عاشق الرومانسيه ردي بقصيدتي
حياك وشرفني مرورك وردك

والله يستر علينا وعليك

بو سالم

حياك اخوي
ادري اني اهبل كلي
الله يحفظني

خاطره جيده ,,

عجااااااااااااااج السنيني
شكرا مررره شكرا