حلقات قصائد طريفة&&

هذه حلقات من القصائد المضحكة والتي تحمل معاني جميلة تشع بروح البسمة والمرح والترويح عن النفس.....
وسوف تكون على شكل حلقات ولنبدأ بالحلقة الأولى وبالله التوفيق.


محاورة بين شايب وعجوز
البدع للشايب

قلبي شباب ولازم اني أعرس===مابي العجوزاللي توسد على الباب
الخير واجد وماني مفلس===عندي فلوس تدعم البنك في حساب

الرد للعجوز

مابقي منك غير خشمك وهالضرس===تبغى تعرس وانت غادي كالغراب
قابل صلاتك الله يشفيك من المس===ولا ترى باطب ويهك بالتراب


الشايب

انتي عجوز واكلك الروب والخس===اما انا مااكل سوى تكه وكباب
مافيني سكر غير ضغطي نازل بس===دام الهوى فيني ترى كل شي طاب

العجوز

لابارك الله فيك يالشيبة يالنحس===ماتجيبك الرمسة ولا يجيبك اعتاب
قصر لي صوتك ما ابي اسمع ولا حس===عطني طلاقي وانقلع واقبض الباب


الشايب

دومك نحيسة وذا لسانك يبيله قص===ربي ترى حلل لي اربع بالكتاب
هذا خميس الاعمى ياكم عرس===مرتاح بالدنيا بلا هم واعتاب


العجوز

بطران وراسك كالصخر يابس وعص===مالوم طبعك يوم ربعك هالكلاب
غادي شر الارايل ودومك تتحيس===استح على وجهك اصلع ولعاب


الشايب

فكيني من وجهك ترى مالي اي نفس===زهقان من شوفك وابغالي احباب
هذا طلاقك طالقة اربع وخمس===شلي طلاقك من ضميري بلا حساب


العجوز

مشكور يالشيبة ومن دون اي دس===عندي حبيب ما ابتعد لحظة وغاب
يشريك ويبيعك تراه بالثمن....===ماتسوى ظفره حلو اسمر وجذب

الشايب

يالله قبل لا اموت منك واقتص===طلعتيلي قرن وراسي بعد شاب
ياشينة البرقع ترى قدرك اختس===عجوز لك في الدنيا خلان واحباب

العجوز


مثلك تراني وهذا لك في العمر درس===لأني أميز بين شيبة وشباب
ولانسيت اني على الموضة اللبس===ما علموك اني بلا شيلةوحجاب



وسلامتكم.

مشكور يالحبيب والله يعين هالشايب هههههههههههه

روعه يامرعي
زياده على طرافتها فيها تلميح للحال اللي عايشه الكثير

سلمت ودمت وكلك ذووق

عاااافاااك شاعرنااااااااااااااااا