ســلـــــة أوجــاعــــــــــي

#1 06-17-2008, 07:55 AM

وجع حب.. وجع خوف وجع شوق وجع ضيقه=على كيفك.. وهاك اختار هذي سلة أوجاعي
غلا واسمع نزيف الجرح كلام الصمت ماطيقه=انا محتاج اسولف لك.. عن أول وآخر أوضاعي
أبد مايجرحك صوتي حياة الطير تحليقه=عليك الله تصير الكون والمسباق.. والداعي
أنا أصدق طير في الدنيا عشق حتى مسابيقه=ولكني بقيت اذكر معك أيام مرباعي
تعال افتح كفوفك حلم اموت بيوم تحقيقه=تعال ارسم بحور العشق.. واكسر لو تبي شراعي
ابي غيم سرق ربعي وذللهم بتشويقه=اكون أول بشر مجنون.. تزوره بالعطش قاعي
وحتى لو وهم تكفى.. ابتوهم بتصديقه= ابي ذاتي .. ابي مولد يوازي صرخة الناعي
احس بداخلي عالم.. حرام أقتل مخاليقه=حرام أسكت وأنا صوتي نثرته وجه لتباعي
ياأول قلب يبكيني وتبكيني مواثيقه=انا اطباعي مهي زينه.. ولكن هذي أطباعي
تغربني قوافي الموت وأقود العمر تشريقه=أعيش بشبه غيبوبه وأعرف إن الزمن واعي
أكملك.. وجع خوف وجع شوق وجع ضيقه=على كيفك .. ترتبني حلالك كل أوجاعي

الشاعر سليمان المانع