ميلادك مع ظهور شوكـة وسكيـن

السلام عليكم ورحمة الله وبركاته
هذه قصيدة لجدي من جهة والدتي .....الشاعر حامد العمري يرحمه الله

يو م اعتزيت وقلت صبيان عمرين =قالوا لنا يافلان سر على المهايـل
فقلت وجهك بارد يا ريـش العيـن =زريتنـي يـوم اعتـزي بالقبايـل
ربعي صلاب الشور في ساعه البين =وقولهـا صـادق ولا انـي بمايـل
أنا اعتزي في لابـه تنـزع الديـن =فقصر علومك عن عيـال الحمايـل
رجل العرب له بطن ونـت بطنيـن =كبست فيهـا مـن النعايـم نثايـل
وانت بعصر الفول تفطـر بصحنيـن =وقدور فوق اصحون والشحم سايـل
ميلادك مع ظهور شوكـه وسكيـن =وبعد اظهـور المنشفـه والغسايـل
عسى الله يجازيك خذ الـرد رديـن =طيحت رجلك فـي عسـار الحبايـل
واعطيك سالفـه الرجـال القدميـن =وعدها في بيوت شعـر(ن) اصايـل
يوم اقبل الطابور قـوم (ن)دخيليـن =يوم المعارك بيـن صايـل وجايـل
ربعي اذا جـات النـواب صليبيـن =من يكسبون المدح يـوم الحصايـل
جانا حنود من ورى البحر غازيـن =طافـوا البلاداجنوبهـا والشمـايـل
جانا طوابيـر وسلاحهـم صنفيـن =معشـر ومدافـع لـهـا شعـايـل
متوقعيـن القـوم كلهـم هوينيـن =ويحسبـون القـوم كلهـم سهايـل
فغاروا علينا يـوم سرنـا معييـن =لقتل الرجـال وينهبـون الحلايـل
فغـاروا علينـا بالمدافـع مجديـن =ووصلوا الى المطلى وبعض النزايل
ويحسبونا فـي نظرهـم بسيطيـن =ما حسبوا في الارض ربع (ن)هوايل
ولكـن فـي ردنـا كنـا سريعيـن =فقمنـا وركبنـا الحبـال المحايـل
ثم اعتزوا لـرد صبيـان عمريـن =ولا يجيب المدح شـرب السوايـل
وفينـا مشايـخ عظـام مشيريـن =ما يقبلون الضيم مـن كـل عايـل
فدارت رحانا فوقهـم والله امعيـن =فقمنـا وشدينـا حـزام البسـايـل
قعدنا ثلاث اشهـور لـرد محييـن =بثميـل يمطـر مثـيـل الوبـايـل
ثم احتزمنا صيحت السبت عجليـن =يوم يشيب المرضـع ويـوم هايـل
قالـوا مشايخنـا وروس المواميـن =يا صلب راسي يا طـوال المهايـل
لا ترحمـون اكبارهـم والمسنيـن =شـدوا عليهـم بالحـداد الصقايـل
فلـم نكـن فـي ردنـا مسخيفيـن =وصوت المدافع هز روس القلايـل
فلـم نكـن فـي ردنـا مستكينيـن =غطت جبال السـرو منـا الحدايـل
ثم التحمنا تنضـر العيـن بالعيـن =والحد الابيض من منزلات النكايـل
ماهـم محنينـا ولااحـن محنـيـن =ظلت دمـي القـوم سايـل وغايـل
وفعلن هزمناهـم وصـاروا مذليـن =شربوا من ايدينا سموم (ن)علايـل
ثم ادبروا عنـا وصـاروا موليـن =مثـل الدبـاء يتركبـون الثمـايـل
خذنا معشرهم من اللـي طريحيـن =وصفوفهـم والطير ظلـت نشـايـل
ثم اكتسبنا الفخر من ذلـك الحيـن =والمدح له مـن يكسبـه بالفعايـل
فصاروا شباب ابلادنـا والمسنيـن =يتفاخـرون بمـا صنعـه الاوايـل
دخيـل ردينـا لـه الـرد رديــن =يشهدعلينـا الله اذا سـال سـايـل
وعلى عوايد من سبقنـا مصريـن =ما نرخص الناموس من شان قايـل
فن كـان تبغـى البينـه مستعديـن =وذا ما يجيب اشهود يرجع مخايـل
وبعد ما علمتـك بغـزوت احنيـن =مـاودي نكثـر علـيـك الثقـايـل
مسكين يامن يرخص الناس مسكين =من كثر هرجك بان فيـك الخمايـل
ما تدري عن الناس وينهم محليـن =هم في علـوا الارض والا السفايـل
سردا بعيش جالـس بيـن صفيـن =وفي جيبـك الميـراه دايـم تخايـل
فخلنا اصحـاب ونجلـس عزيزيـن =ومن يستعز المـدح ربحـه جمايـل
ياما صبرنا ونسمع الزين والشيـن =وياماسكتنـا عـن كثيـر المسايـل
ربعي رجال الحجر ربع(ن) كريمين =ما قلت فيهم مـن العلـوم الرذايـل
نعمين يا ربع الظفر والـف نعميـن =وافين مـد يـوم كيـل(ن) وكايـل
منتوا على كسب المدايح شحيحيـن =ولا فيـه بـد ملحقينـه عـذايـل
رفاقه مـن قبـل حكـم السلاطيـن =وما يحول بيني وبينك اليوم حايـل
وبيرق رجال الحجر واحد وذربيـن =والغمر فينا مـا نشـى ع العوايـل
ابيـات شعرحطهـا فـي دواويـن =والشعر ما يرمـا بمرمـى الهمايـل
ومن يرخص الشعر ترهم رخيصين =والشعر ثـروه مالهـا مـن بدايـل
وتنقضي اجيال وشهـور وسنيـن =والشعر يبقى فـي الدفاتـر وثايـل
ولا بنيت الشعر من نحـو عاميـن =حتى نصيـر فـي المعانـي رفايـل
لي في علوم الشعر تسـع وثلاثيـن =اعـرف موازينـه ومـد وكـايـل
ومن انتقدني على الـرأس والعيـن =وما يصيبني من الناقدين الزعايـل
والنقد الى جاء من الرجال الادبيـن =فالحق مـا ينكـر وغيـره بطايـل
ومن يعتدي على الشعر كره وتخمين =با قوله مخطـي وغـاوي الدلايـل
وراقـب الشعارصـارو عديـديـن =يوم ربنـا وسـع علينـا الفضايـل
ناس تصيب اهداف وناس مخطيـن =وكل(ن) يرى غزوه وافي الحصايل
وكل من الشعـار لـه قـوم بينيـن =يتحاسنونـه مـا يبـون الكمـايـل
هاذي طبوع الناس في قرن عشرين =وما عاد من الحكمـه اللـى قلايـل